REV. LAHPAI SENG LI

HOME
MUNGGA NSHAT
MATSING HPA
MASAT NHTOI NI
MU MADA AI LAM
MUNGGA HPAJI
MAGUP SUMHPA
Sara Seng Li a lam

Sara Seng Li gaw, Sin Lum Bum na Lahpai Zau Tang hte Lazum Htu Ting yan a kasha alat rai nna, 1885 ning hta e shangai ai wa re.
1896 ning hta Robert jawng hta Sara Zau Tu, Sara wun Lazum Tang Nau yan hte rau jawng sa lung ai.
1908 ning hta Rangoon Cushing jawng hta tan 8, 9, Norman sa sharin awng la nna, 1909 ning April shata hta e Gara du kasha Nang Nau hte Sin Lum e Sara Robert a lata hta hkungran la sai.
1900 ning Magyeng bung e hpung amu gun na matu san da hkrum sai. Dai hpang Sara kaba Dr. Ola Hanson gaw Sara Seng Li hpe Chyum laika gale garum na matu 1911 ning hta Namhkam de shaga la nna 1917 ning du hkra karum nna Ga Shaka Ningnan yawng gale ngut manu ai.
Shingrai Sara Hanson hte Mama gaw 1918 ning ban sa ahkang wa mat nna, sara Seng Li hpe gaw, Hpung kawan na matu hkang kau da ai majaw, Hpung masha ni gaw, shi hpe gumra ahpraw mari ya nna, dai jawn let Hpung kawan ai amu galaw nga ai.
Shingrai nga yang, hpaji du Hpau Kun Yaw, Kuthkai e asuya jawng hpaw na matu shaga nna, 1920 ning hta Kuthkai de htawt sa wa sai. Shi gaw (6) ya hte Laban shani e bum ga de jawng ma saw shaga let, Karai Kasang a lam mung hkaw tsun nna, na jahpa tawn ya manu ai.
Sara Seng Li gaw Kuthkai asuya jawng hta 1920 ning kaw nna, 1926 ning du jawng up galaw sai.
1927 ning kaw nna (9) ning tup Manmaw Robert jawng up galaw nu ai.
1938 ning hta Wung Gaw jawng wa hpaw nu ai.
1940 ning hta Nmawk jawng hpaw da sai.
Shi a nga law laman hta, grai shakut kau da nu ai hte, 1944 ning November (6) ya shana, Madu Yesu hta yup pyaw mat sai rai.