Make your own free website on Tripod.com
SHANING NNAN LAKSAN
HOME
MUNGGA NSHAT
MATSING HPA
MASAT NHTOI NI
MU MADA AI LAM
MUNGGA HPAJI
MAGUP SUMHPA
SHANING NINGNAN HTA DUM MAI AI NINGNAN NI

(1) Ningnan Hpa Mung n nga ai: Jan a npu e amu ningnan hpa mung n nga ai(Hpaji Ningli 1:9). (2)N-gun Ningnan: Yehowa hpe ala nga ai ni chyawm gaw, n-gun (nnan) lu la nna, kalang zawn singkaw nnan hte pyen lung wa na ma ra ai (Esaia 40:31). (3) Masha Ningan: Hkristu hta e marai langai ngai rai nga ai teng yang gaw shi gaw ningnan hpan da ai wa rai nga ai (2 Kor. 5:17). (4) Asak Sumdam Ningnan: Anhte mung asak sumdam ningnan hta rawt hkawm wa lu hkra...(Roma 6:4). (5) Ningnan Bai Galaw ai Lam: Yu u, arai yawng mayawng hpe ngai ningnan bai gaw da nngai (Shingran 21:5).

 

Shaning Nnan Matsing hpa Kadun Kadaw

Shaning nnan jahpawt pru ai Jan gaw kaga wa mi laklai ai lam n nga ai, shaning dingsa hta shang mat wa ai Jan sha re dum u.

Shaning dingsa a manu hpe hpa hte shadawn na? Ngai kade hkam la lu ai ngu ai hte n rai, Ngai kade daw jau lu ai, ngai kade daram jaw ya ai ngu ai hte shadawn u.

Mungkan masha ni shaning nnan du na shana dawdan ai lam hpe hkrak she hkan nang ma yang mungkan ndai gaw n chye tsun hkra shai mat na re.

Mungkan masha ni shaning nnan de shang wa ai shana gaw hpa wa nau n shai ma ai, hpang jahpawt kaw na she shai wa ma ai.

 

Youth is when you're allowed to stay up late on New Year's Eve.  Middle age is when you're forced to. Bill Vaughn
An optimist stays up until midnight to see the new year in.  A pessimist stays up to make sure the old year leaves. 
Bill Vaughan
Many people look forward to the New Year for a new start on old habits. Author Unknown
A New Year's resolution is something that goes in one year and out the other. Author Unknown
 New Year's Day is every man's birthday. Charles Lamb
The merry year is born
Like the bright berry from the naked thorn.
~Hartley Coleridge

 

Shaning Ningnan Hta N-gun la na Mungga

Jan a npu e amu ningnan n nga ai nga nna Hpaji Ningli Laika ka ai wa tsun ai (Hpaji Ningli Laika 1:9). Hpa lachyum rai ta? Shinggyim masha ni a shamu shamawt asak hkrung ai lam hta kaga mi alak alai rai byin yu ai lam n nga ga ai. Byin pru nga ai lam ni yawng gaw lai sai aten hta byin pru lai wa ga sai ni sha re, ngu ai lachyum re. Shaning ningnan gaw anhte kade e mung n du, n shang, n kabye ga ai aten ladaw langai mi rai nga ai. Hpa baw byin pru wa na tau nna kadai n chye lu ai teng ai. Rai ti mung, n chye lu ai dai aten de shang wa ai shaloi, tau nna hkrit tsang kahpra, myit shamu shamawt na lam n nga na re.

Hpa wa mi hkrum hkra wa tim, myit pu ba ai lam, myit ru tsang ai lam hte gawng run gawng kya wa ai aten hta atsam ningnan kahtap nna jaw nga ai Karai Wa nga nga ai hpe dum ga. Shi hpe ala nga ai ni gaw kalang zawn ram prat pra nna, n-gun ningnan, singkaw ningnan hte kalang bai rawt pyen lung wa na re nga ai (Esaia 40:31).

Lahta na zawn n-gun ningnan la lu na matu gaw masha ningnan shawng tai ra nga ga ai. Shinggyim masha yawng gaw Adam tawt lai ai mara a majaw yubak kap ai ni rai sa ga ai. Satan a ga madat ai shi a kashu kasha ni rai mat sa ga ai. Masha dingsa rai mat wa sa ga ai. Ngarai de sa wa ai ni rai sa ga ai. Tinang hkum tinang dai Ngarai kaw nna gara hku nna mung n mai hkye la sai ni rai sa ga ai. Tim, dai zawn re ai anhte hpe masha ningnan shatai la na matu, Hkristu du sa nna, yubak a shabrai hpe Shi a asai hte tsep kawp wa kau ya sai. Hkristu hpe kam ai ni gaw, makam masham a marang e hkye hkrang la hkrum nna masha ningnan bai tai wa sai. Shi a asai hta ningnan bai shangai nhtawm masha ningnan tai lu ai re (2 Kor. 5:17; Ehpesu 2:8-10; Titu 3:5, 6).

Masha ningnan tai sai ni gaw Hkristu a marang e asak sumdam ningnan hta lam ningnan hkawm lu sai. Dai zawn hkawm lu na atsam mung Karai Wa nan shaman ya nga ai (Roma 6:4; Heb. 10:20).

Asak hkrung lam ningnan hta, atsam ningnan hte hkawm sa nga ai ni a myit mada ai lam gaw hpa rai ta? Ndai mungkan ga na n grin ai arai ni kun? N rai na re, lani mi na aten hta Karai Wa e nan ningnan bai hpan tawn hpan da na htani htana grin na mungdan rai nga ai (Shingran 21:4). Dai rai yang anhte gaw ndai mungkan hta satsam hte malet, nhprang manam sha rai nga ga ai hpe dum nna matut asak hkrung na ahkyak nga ai (Hebre 11:13). Laning mi jat nna asak hkrung lu na ahkaw ahkang gaw, sumsing na anhte a Kawa hpe masha law law mu chye wa lu u ga, makau grup yin e nga ai ni hpe kaja ai nhtoi htoi ya na matu ahkaw ahkang kaba rai nga ai hpe mung n malap ga (Mahte 5:16). Ndai lam ni hpe dum nna n-gun dating let shaning ningnan de shang wa ga.

Pangmu Zau