ASAK HKRUNG AI KARAI KASANG
HOME
MUNGGA NSHAT
MATSING HPA
MASAT NHTOI NI
MU MADA AI LAM
MUNGGA HPAJI
MAGUP SUMHPA

Hpan tawn hpan da ai Karai

 

Contents
  • Asak hkrung ai Karai hte la ga karai ni
  • Satan hte masha galaw tawn ai hpara ni
  • Satan hte yubak
  • Hpan Karai hte hpara ni
  • Hpan karai hte shinggyim masha

     

     

    No.1 Asak hkrung ai Karai hte la ga karai ni

     

    Asak hkrung ai karai

     

    A hkrung nga ai Karai Kasang gaw anhte a myit mada shara rai nga ai. [1Timohti 4:10]

    Ngai gaw Alhpa mung rai nga nngai, Omega mung rai nga nngai, nga nna ndai a prat e, moi na aprat e a nga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai. [Shingran 1: 8]

     

    Langai sha rai nga ai jet ai Karai Kasang

     

    Langai sha re Karai hta lai laga Hpara nnga ai.

    Sumsing lamu hte ginding aga ntsa e, Hpara ngu ai ni nga shajang ma ai rai nna, Hpara law law hte madu law law rai nga ma ai, rai timung, anhte a matu mara, Wa ngu ai, Karai Kasang langai sha rai nga ai. [1Korinhtu 8:4-6]

    Ngai gaw shawng numshawn hte hpang jahtum na wa rai nga nngai…. Ngai gaw Yehowa rai nga nngai; dai nye a amying shingteng rai nga ai: nye a hpung shingkang masha wa hpe, nye a arawng sadang hpara sumla ni hpe, ngai jaw na n rai. [Esaia 44:6,42:8]

    Hkang da ai ga (tara) mahkra hta e, gara mahtang grau kaba nga a ta? Ngu nna shi hpe san wu ai, Yesu gaw, dai Madu na a Karai Kasang hle, na a myit kraw lawang mahkra hte, na a myit masin mahkra hte, na a myit mang mahkra hte, na a n-gun lagaw mahkra hte, nang tsaw ra lu na ndai, nga ai ga gaw, grau kaba ai ga rai nga ai. [Marku 12:28,30]

    Matut hti na matu ………….....[Shakawn 86:9-10]

                               [Esaia 46:9]

    Yehowa Karai Kasang gaw, dai ni ngai nang hpe hkang da ai lam hkan galaw u. [Pru mat wa ai laika/ Pru-mat 34:11]

     

    (A) Laga Hpara nnga na.

     

    Ngai gaw na Karai Kasang Yehowa rai nga nngai.

    Ngai hta kaga Karai Kasang shaje hpe hkum naw hkum ku et. [Pru-mat 20:2,3]

     

    (B)Hpara shaje hpe hkum galaw hkum naw ku

     

    Lamu a lahta tang, lamu a npu ga ntsa tsang, ga a npu hka hpungtang hta rawng ai baw a hkrang hte bung ai sumla, nang na a matu hkum galaw, hkum shachyaw et; dai hpe hkum naw hkum ku, hkum jaw hkum jau et….. hpara shaje nang naw ku lu na nrai. [Pru-mat 20:4-5,34:14]

    Matut hti na matu ……………..[Pru-mat 20:23,34:17]

                             [Tara 4:16-18,  Yeremia 25:6]

     

    (C) Hpara shaje ni hpe hkum hkrit, hkum jawjau.

     

    Nanhte gaw Karai Kasang shaje hpe hkrit hkungga, naw ku, daw jau, shagu hkungga mung jaw lu na n rai; Yehowa hpe hkrai nanhte hkrit hkungga nna, shi hpe naw ku let shagu hkungga nawng ya lu na myit dai. [2 hkawhkam 17:35-36]

    Matut hti na matu ………………….. [ Jaw jau 17:7]

     

    Back to Contents   |    Back to Top

 

N0.2 Satan hte masha galaw tawn ai hpara

 

Masha galaw tawn ai hpara kaw hpung dagu nnga ai

 

Masha gaw, Karai Wa n re ai hpara ni hpe, tinang a matu galaw mai a ni? [Yeremia 16:20]

Masha amyu ni a sumla ni aja,gumhpraw, masha lata hte galaw ai aria rai nga ma lu ai. Shan hte n-gup tu, ti mung, nchye shaga ma ai. [Shakawn 135:15-17]

Myi tu, ti mung, nmu lu ma ai; Na tu, ti mung, nna lu ma ai, shanhte a n-gup hta nsoi nsa myi n rawng ma ai.

Naw ngam ai hte sumla ngu ai Hpara hpe shi galaw wu ai; de a man e shi gum dagup nna naw ku let, Nang gaw nye a Karai Wa rai nga ndai majaw, ngai hpe hkye la e law, ngu nna dai hpe akyu hpyi wu ai……. Shi hpe jahtau ti mung htan lu ai nrai; ru yak kyin dut hta na mung, hkye mawoi la lu ai n rai. [Esaia 44:17, 46:7]

Matut hti na matu …[Esaia 40:19-20, 41:29,46:6-7]

                   [Shingran 9:20]

 

Masha galaw tawn ai hpara ni a atsam gaw Satan re

 

Ndai mungkan ga na Hpara (satan) gaw, shanhte a myit mang ai hku shakyaw shamak kau ya ma nu ai. [2 Korinhtu 4:4]

Karai n re ai nat ni hpe nau, jaw jau mu ai. [Tara 32:17]

Mungkan ting gaw dai n hkru ai wa hta e lup mat wa ai hpe, anhte chye nga ga ai. [1 Yawhan 5:19]

Nanhte gaw maigan ni naw rai nga ai shaloi e, shalen la hkrum kadup ai hte maren, nchye shaga ai sumla ni hpang de nanhte woi la hkrum myit dai. [1 Korinhtu 12:2]

Dai aten e nanhte Karai Kasang hpe n chhye nga myit dai majaw, hking madung hku yu yang, Hpara n mai ngu ai ni a npu e, nanhte yam nga myit dai. [Galati 4:8]

Madu Yesu gaw Pawlu hpe, shing rai maigan amyu ni, nsin kata nna nhtoi de, Satan a atsam kata nna Karai Kasang hpang de kayin wa lu nna, yubak raw dat kau ya ai chyeju lu la na hte, ngai hpe kam sham ai a marang e, shachyoi shapra hkam la ai ni hte rau sali wunli dagraw lu hkra, shanhte a myi jahpaw na matu, ngai nang hpe shanhte hpang de shangun dat de ai. [Kasa 26:17-18]

Back to Contents |  Back to Top

 

No.3 Satan hte yubak

 

Satan hpe Karai Kasang ning nan hpan ten hta yubak nnga ai

 

Madu Yehowa ning nga ai: Hpaji hte hpring nna, tsawm htap htum ai hte, hkum sumhpa shangut lu ai dazik e, nang gaw Karai Kasang a sun ngu ai, Eden hta, rawng nga nna manu dan nlung hpe, ja hta hkrep nna na hkum hpe mawn sumli ndai: shup sheng hte sumpyi chye galaw ai ni mung, nang hta lawm nna nang shangai wa ai shani e na a matu lajang da masai. Nang gaw namman chya hkam nna, yawng hpe kaup ai hkerub rai nga ndai; nye ahkang hte Karai Kasang a choi pra ai bum ntsa e nang nga lu ndai: htoi kabrim ai lung seng ni a lapran e, nang hkawm chyai nga nndai. Nang shangai ai sha ni kaw nna, nang hta yubak mu hkrup ai shani du hkra, na a arawn alai hkum tsup nga ai. [Ezekela 28:12-15]

 

Nang gaw kashun kasha amu hte nang hpring chyat nga nna, nang yubak galaw ndai; dai re ai majaw nsan nseng ai wa hpe zawn, Karai Kasang a bum de na, ngai nang hpe kabai kau nngai: yawng hpe kaup ai Hkerub e, htoi kabrim ai lung seng ni a kaang, ngai nang hpe yeng kau nngai. Nang tsawm htap nga ai majaw myit kaba nga ndai; htoi kabrim ai majaw na a hpaji gale mat sai. [Ezekela 28:16-17]

 

Jahpawt manap a kasha, ninghtoi  gintawn e, nang gaw sumsing lamu na di hkrat wa nit hka! Amyu baw ni hpe zingri ai wa e, ga du hkra kran daw kau ai hkrum nit hka! Nang mahtang sumsing lamu de ngai lung na nngai; Karai Wa a shagan ni a ntsa e, nye a tingnyang ngai shadun na we ai; dingdung maga htum, majoi shingra bum ntsa e ngai dung na nngai; sumwi ni a ntsa e ngai lung na nngai; Tsaw Htum ai wa zawn ngai nga na ngai, nga nna, na a kraw e tsun nit dai. Rai ti mung, Katsan ga na sung htum ai nhkun de jahkrat kau ai, nang hkrum nit dai. [Esaia 14:12-15]

 

Satan gaw yubak galaw ai wa

 

Madu Yesu gaw Satan.... shawng npawt kaw nna, masha sat ai wa rai nga ai rai nna, shi hta teng man ai lam nrawng lu ai majaw, teng man ai lam hta nnga lu ai: shi masu magaw ga tsun yang, shi a myit hta na hte maran tsun nga ai: shi gaw masu ai wa rai nga ai hte, masu magaw ai a kawa mung, rai nga ai. [Yawhan 8:44]

Satan gaw shawng npawt kaw nna, yubak galaw nga ai. [Yawhan 3:8]

 

Satan gaw masha hpe mara galaw na hkalem kau sai

 

Moi na lapu rai nga ai baren numraw... ngu ai mungkan ga ting hpe hkalem kau ai Nat hte Satan. [Shingran 12:9]

Lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, Ndai sun hta tu ai hpun mahkra hta na, nan nsha lu na rai myit dai, nga nna Karai Kasang kaja wa tsun a ni? ngu nna san wu ai. Shaloi dai numsha gaw, ndai hpun hta tu ai hpun ni a asi hta na, an sha lu ga ai; Rai ti mung, ndai sun a kaang e tu ai hpun a asi hpe chyawm gaw, Nan si ai nhkrum myit ga, dai hta na nan nsha lu na myit dai, dai hpe mung hkum hkra myit, nga nna Karai Kasang tsun ai, ngu nna lapu hpe htan wu ai. Dai rai nna lapu gaw, Nan kaja wa nsi na myit dai: kaning rai nme law, dai hta na sha ai nhoi hta e nan a myi hpaw nna, kaja ai hte n kaja ai hpe chye ginhka na ra ai majaw, Karai Kasang hte maren nan tai na rin dai gaw, Karai Kasang chye nga ai, ngu nna dai numsha hpe tsun wu ai. Hpun dai gaw sha na matu mai kaja nga ai mung, myi a matu yu chyoi nga ai mung, hpaji lu la na matu sharawng awng ai hpun rai nga ai mung, dai numsha gaw mu wu jang, dai hpun hta na asi di sha wu ai: madu wa hpe mung shi agaw jaw wu ai rai nna, shi mung sha wu ai. [Ningpawt 3:1-6]

 

Masha langai myi a majaw e yubak gaw mungkan ga e shang wa nna, yubak a majaw si hkrung si htan shang nang wa ai hte maren, yawng mayawng yubak kap nga ma ai majaw, masha nlang kaw e si hkrung si htan du bang wa sai. [Roma 5:12]

 

Satan gaw Karai zawn shi hpe naw ku na hpe hkam la mayu

 

Satan gaw, Yesu hpe woi lung wa nna, mungkan ga na mungdan nlang hpe myi grip mi hta sha madun dan nna, ndai ahkang aya mahkra hpe, dai ni a hpung shingkang hte nawng, ngai nang hpe jaw na de ai; dai gaw ngai hpe ap ya ni ai rai nna, ngai jaw mayu ai wa kadai hpe mung jaw lu nngai: dai re ai majaw, nye a man e nang naw ku n yang gaw, ndai yawng mayawng na a tai na ra ai, ngu nna shi hpe tsun wu ai. Shaloi Yesu gaw, Dai Madu na Karai Kasang hpe nang naw ku lu na rai nna, shi hpe hkrai daw jau lu na ndai, nga nna ka da nga ai, ngu nna shi hpe htan wu ai. [Luka 4:5-8]

 

Satan gaw wan htung de kabai kau hkrum na

 

Nat gumlau hte shi a salung sala ni a matu lajang da ai n htum n mat ai wan. [Mahte 25:41]

Shanhte hpe hkalem la ai Nat hpe... wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nhkri hkrum let, htani htana prat dingsa  a rawng nga lu na mara ai. [shingran 20:10]

Back to Contents |   Back to Top

 

No.4 Hpan Karai hte hpara ni

 

Hpan Karai hte hpara ni a laklai (shai) ai lam

 

Kasa Pawlu gaw Ahten masha ni e, lam shagu hta Hpara ni hpe nanhte ja ja hkrit hkungga myit dai gaw, ngai mu nngai. Kaning rai nme law, ngai lai hkawm wa nna, nanhte jaw jau ai rai ni hpe mada yu yang, N chye gaw ai Karai Wa matu, nga nna ka tawn ai hkungri langai myi mung, ngai mu hkrup we ai: dai nanhte n chye let naw ku ai wa a lam, ngai nanhte hpe hkai dan made ga. Mungkan ga hte dai hta nga ai yawng mayawng hpe, hpan tawn da ai Karai Kasang gaw, sumsing lamu hte ginding aga a Madu rai nga ai rai nna, masha lata hte shachyaw ai naw ku nta hta rawng nga ai nrai: shi nan, yawng mayawng hpe hkrung  ai asak, nsoi nsa hte aria hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai. Shi gaw shinggyim masha ni Karai Kasang hpe hkan tam masawp lamawm yu nna, mu yang me mu mu ga nga, dinghta ga e nga pra na matu, masha amyu dinghta hpe daju langai hte sha hpan tawn da nna, du hkra ladaw hte buga jarit madat da ya mu ai; shing nga tim shi anhte kadai hte mung tsan nga ai n rai: kaning rai nme law shi a jaw e anhte hkrung nga nna, shamu shamawt nga ai hte nga pra ga ai. Dai hte maren, nanhte hta na ningtam laka (laika ka sara) ni pyi, Anhte mung Shi a amyu matu ni rai nga ga ai, nga nna ka ma ai. Shing rai, anhte Karai Kasang a amyu matu ni rai nga ga ai majaw, Karai Kasang ngu ai hpe, masha a hpaji lata hte tawk ka ai aja, gumhpraw, nlung sumla hte bung ai, ngu nna nmai myit la ga ai. [Kasa 17:22-29]

 

Sumla gaw masu magaw hkrai rai nga nna, shahte hta nsoi nsa n rawng nga ai. Dai ni gaw kaman lila rai nga ma ai; sawt ai ni hkrai rai nga ma ai. Dai hte n bung nga ai; Shi gaw yawng mayawng hpan da ai wa rai nga ai; ...shi a amying gaw, Zaw nawng zaw wa up ai Yehowa rai nga ai. [Yeremia 10:14-16]

 

Yehowa gaw galu gaba nga ai rai nna, Nachying shakawn ging ai wa rai nga ai: Hpara mahkra ni hta mung shi hpe grau hkrit mai nga ai. Amyu baw ni a hpara ni, sumla hkrai rai nga ma ai; Yehowa chyawm gaw sumsing lamu hpe hpan da nu ai. Ndaw nsa hte hpung shingkang shi a man e nga nga ai, Atsam hte reng htum ai shi a shara e nga nga ai. [1Hkawhkam labau 16:25-27]

 

Hpan Karai hpe shakawn kungdawn ai lam

 

Nye a Karai Kasang Yehowa e, Nang nachying galu gaba rai nga ndai; Arawng hte hpung shingkang nang bu hpun nga ndai...Yehowa e na amu gade law la nga a hka! Nang mahkra hte hpe, hpaji hte galaw nu ai; Aga gaw, nang hpan da ai a rai hte hpring nga ai. [Shakawn 104:1-24]

Anhte a Madu Karai Kasang e, nga yawng nga pra hte hpe nang hpan tawn da nna, dai hte gaw na a myit ra ai hku jaw e tai ma ai hte hpan tawn da hkrum ma ai majaw, nang gaw hpung shingkang, arawng sadang hte hpung dagu lu la na ging dan nga ndai law. [Shingran 4:11]

 

Back to Contents   |   Back to Top

 

No.5 Hpan karai hte shinggyim masha

 

Hpan Karai gaw shinggyim masha yawng a ra rawng ai lam yawng hpe jaw ya ai

 

Karai Kasang gaw, n kaja ai ni hte kaja ai ni a n tsa e, shi a jan hpe shi pru shangun nga ai rai nna, ding hpring ai ni hte n ding n hpring ai ni a n tsa e, marang jahtu ya mu ai. [mahte 5:45]

Lamu ga ting na shi salu shalu sharawt wu ai; Myihprap hpe marang a matu shatai wu ai, Shi a dum hta na,  nbung hpe shapraw dat wu ai. [Shakawn 135:7]

Shi gaw galu kaba ai hte n dang chye ai amu galaw nga ai; N dang hti  ai mauhpa bungli shachyen nga ai: Ga ning tsa e shi marang jahtu ya nna, Yi hkauna ni hpe madit ya mu ai. [Yoba 5:9-10]

Matut hti na matu……………. [Shakawn 147:7-9]

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai. [Yaku 1:17]

 

Kyu hpyi ga

 

Sumsing lamu na anhte a Wa e…………Anhte hta ra ai lusha, dai ni anhte hpe jaw mi. [Mahte 6:9-11]

 

Anhte a kyu hpyi ga hpe Madu gaw chyeju jaw ya nga ai

 

Dinghpring ai wa a hhpyi nem ai ga gaw, shabyin lu na  atsam law law rawng nga lu ai. Elia gaw anhte hte maren myit mang rawng nga ai shinggyim masha hkrai rai nga ti mung, marang n htu u ga aja awa akyu hpyi wu yang, masum ning e shata kru tup ga ntsa e marang n htu ai nga mat ai. [Yaku 5:16-18]

Back to Contents  |    Back to Top