Make your own free website on Tripod.com
Htingbu wa jinghku kaja
HOME
MUNGGA NSHAT
MATSING HPA
MASAT NHTOI NI
MU MADA AI LAM
MUNGGA HPAJI
MAGUP SUMHPA

Htingbu wa jinghku kaja

Hti na mungga;   Yaku 1:27, Lk 10: 30-37
 

            Hkristan makam masham gaw, Karai Kasang hte tinang dinghkrai htinglu htinglai ai sha nrai, makau grup yin na mungkan masha ni hte mung matut mahkai nga ai. Tinang langai hkrai Karai the seng ai zawn , Makau grup yin hte mung ( Madu Yesu hta ) seng wa sai. Dai majaw hkristan ni   gaw mungkan masha ni a lapran hta Madu Yesu a hkringmang( Sakse hte kasa ) ni tai wa sai. Dai gaw mungkan a jum hte nhtoi ni tai na matu re.( Mht 5:13-14). Hkristan ni mungkan masha ni hpe hku hkau ganawn ai hta mungkan a ningmu, hte ladat hku nrai, Karai a tsaw ra myit tara  hta ningpawt da ganawn ai re.

 

Karai a tsaw ra myit gaw lachyum sha rawng nna , atsam nrawng ai nrai. Gasi sha tsawm nna magam bungli ( Action )nlawm ai nrai..Karai a tsawra myit hpe hkristan ni lachyum shaleng ai shaloi, dai tsaw ra myit a atsam hte magam bungli   mung lawm wa ai. Dai tsaw ra myit gaw, matsan mayan , jahkrai ,gaida ni hpe garum ai sha nrai, shanhte a asak hkung lam, hte nga pra nga ai mungkan ( Society) hpe mung galai shai kau ya lu ai. Htingbu wa hpe tsaw ra ai nga yang, shi a asak hkrunglam , shi a dinghku, shi a makau grupyin , hte shi a shawng lam hpe du hkra , myit lawm let, myit shalawm wa  ra sai. Dai gaw Karai a tsaw ra myit hpe tang du hkra jai lang ai hte sakse madun ai ladat re. Law law lang hkristan ni mungkan htingbu wa hpe mu mada ai gaw, lani mi ngarai de sa  wa  na wa ngu ai ningmu hku mu mada kau nna, Karai a tsawra myit hpe tangdu hkra sakse hkam  na, garum la na hpe hprai kau chye ga ai.

 

Luka 10 hta madu Yesu gaw htingbu wa ntsa jinghku kaja sakse madun ai maumwi re. Lachyum hte mabyin hta n-gun la ga;

 

1). Ruyak jamjau hkrum nga ai maigan masha wa hpe tsaw ra myit tara hte garum

  la ai.

2).  Shi a asak hkrung lam hta hkrum hkra ai ruyak ai  hpe chyena ai hte hkap la ya  ( kaji 34)

3). Hkrun lam hta lakawn la ai(kaji 34)

3). Shi a shimlam hpe lajang ya ai.( Kaji 34)

4) Shi hta ra ai ja gumhpaw hpe lit la ya ai (kaji 35)

5). Shi hta htum ma ai ja gumhpaw hpe litla ya na  ga sadi jaw da ai.( Kaji 35).

 

Ndai mau mwi hta, garum la ai wa  gaw , ruyak hkrum ai wa a matu htingbu kaja rai sai. Shi hpe koi kau ai shawng na masha ni gaw kade hpaji chye ai, lusu ai, arawng aya lu ai, tara shadik ai rai tim ruyak hkrum ai wa a matu akyu n nga ai hpe mu lu ai. Shadik ai ni rai tim ruyak hkrum ai wa a matu htingbu kaja nre.Yoba a manang ni gaw,

 

 

Myit yu na lam:     Hkristan ni htingbu kaja re hpe nchye ai mungkan masha law law naw nga nga ai.

 

Kyu hpyi ga:       Madu a sakse kaja tai, htingbu wa a jinghku kaja mung tai lu na atsam jaw rit.