Make your own free website on Tripod.com

HKRISTAN DINGHKU

HOME
MUNGGA NSHAT
MATSING HPA
MASAT NHTOI NI
MU MADA AI LAM
MUNGGA HPAJI
MAGUP SUMHPA
KARAI JAW AI HKRISTAN DINGHKU
Hti na Mungga; Ehp 5: 21-25

Hkristan dinghku a lachyum hpe Chym laika hta jaw tawn ai mahtai hpe yu ga.

1. Karai nan shawng nnan kaw nna yaw masing hte gawde da ya ai.N.N 2:22::Karai kasang hta nan ga shaka (Covenant) hta ngang kang hkra gaw de da ai dinghku re.Mungkan masha ni bungli langai hpe jawm galaw na matu shada myit hkrum nna ga sadi laika (Contract) hte n re. Hkristan dinghku gaw Karai kasang hta nan Ga shaka (Covenant) da ai bungli kaba langai re.Shinggyim masha ni da ai ga sadi (Contract) gaw masa lam (conditions) hkan nna galoi mung ga sadi mai run hten mat tim, ga shaka (Covenant) gaw masa lam hta n gaw de ai sha ngang kang ai. Ndai prat hta, ONLINE MARRIAGE ngu ai hte dinghku shajan de sha ai masha law law re lam chye lu ai. Dobson gaw, Sinna mungdan na dinghku 10 kaw na 5 gaw jahtum e daw hka ai (Shn) myit n dik ai, (Shn) n pyaw n ngawn ai dinghku rai nga ai lam hpe sawk sagawn da ai.Laban bat mi laman ndai zawn online marriage galaw ai masha 656315 re lam chye lu ai. Ndai zawn re dinghku gaw ga shaka la ai dinghku n re. Shinggyim masha shada ga sadi la ai dinghku sha re. Madang tsaw wa magang shinggyim masha ni Karai a man hta lam dam na lam grau law wa magang rai wa ai gaw kabu hpa n rai.Prat madang grai tsaw wa ai ndai aten hpe anhte Hkristan dinghku masha ni Karai a matu chye jai lang ra ga ai.
2. Dai dinghku gaw Karai a magam bungli hte shi a bung shingkang a matu re. N.N 1:28:: Shinggyim masha sa tai hta, grau nna Karai a Kashu kasha ni tai lu ai gaw, shaman chyeju kaba re. Adam yan Eva gaw, hpan da hkrum nna majoi Eden sun kaw ra ai hku nga let aten shama nga kau na matu n rai Eden sun hte hpawn mungkan hpe up hkang na magam bungli jaw da wu ai.Hkristan dinghku shagu gaw, Karai a magam lam hta ga baw lama ma hku nna seng ang lit nga ai ni rai ra ai. Hpung up hpungtau, hpung sara/sara num hte hpung Komiti ni chyu sha Karai magam gun ni re. Ngam ai anhte gaw, Karai a magam hte lit n nga ai, n seng ai ngu ai myit jasat gaw, Hkristan myit jasat nre.Hkristan ni law law lagawn nna Karai a magam bungli ningra mat hkra galaw mayu ai Satan a matsi re hpe dum chye ra ai.Nkau dinghku ni hta ndai myit jasat hte naw dinghku de ai, Hkristan dinghku law law naw re hpe chye lu ai. Karai Kasang gaw, Hkristan dinghku hpe majoi de jaw ai n rai. Shaman chyeju amyu myu hte dinghku hpe jaw da nna, hkam la lu ai shaman chyeju hte maren Karai hpe bai chyeju dum chye na hte shi a magam hta shang lawm let sak se hkkam na hpe ra sharawng ai (1 Kor; 15:58).
* Myit yu na lam: Dai ni du hkra na a dinghku ndaw nhka ai sha grin nga lu ai gaw kara a chye ju nan re hpe dum ai kun?
*Kyu hpyi ga: Madu a sasana dinghku grau nna tai lu na matu ndai dinghku hpe ap nawng nngai.