Make your own free website on Tripod.com
EASTER LAKSAN
HOME
MUNGGA NSHAT
MATSING HPA
MASAT NHTOI NI
MU MADA AI LAM
MUNGGA HPAJI
MAGUP SUMHPA
easter_2.gif

Hkristu Rawt Sai(Shakawn Mahkawn)

Lup sung hku hta taw nga, Nye hkye wa Yesu, Rawt na ninghtoi hpe la, Yesu Madu.  Chorus: Lup hta na Shi rawt wa sai, Gumlau hpe shingkang hte dang ai rai, Ningsin mung hpe awng dan let Shi gaw rawt pru, Ya Shi hkrung sai chyoi pra ai ni hte tut up, Rawt wa sai, rawt wa sai,   Ha-le-lu-ya Shi rawt sai...

Moi mang hpe sin ma ai, Nye hkye wa Yesu, Dai lup dazik kap rai, Yesu Madu...Chorus:

Si lam nang hpe n dang, Nye hkye wa Yesu, Dai lup na nang byawn hprang, Yesu Madu...Chorus:

 

   YESU RIM HKRUM, SI HKAM NNA HKRUNG RAWT AI HTE SENG AI SHARA NI

Mahte 26:30
mountolivelargerveiw.jpg
Tsanlun Bum: Ap kau hkrum na shana Yesu hte Shi a sape ni ndai bum de lung wa ma ai

Mahte 26:36
gesemanelarge.jpg
Yesu rim la hkrum ai Getsemane ngu ai shara

Mahte 27:33
golgohtakawng.jpg
Yesu hpe jen sat ai Pungkum kawng rai na re ngu sawn la lu ai shara

Mahte 27:60
luppatnlung.jpg
Lup mahka e galau pat ai nlung gaw ndai zawn san ai re. (Image courtesy of www.HolyLandPhotos.org)

Yesu Hkrung Rawt ai hpe Hpa Majaw Kam Sham Nga ga ta?

Yesu lama si ai kaw na hkrung rawt ai n rai yang, Hkristan makam gaw kaman lila mana bungli sha rai na re. Tim, Yesu si ai kaw na hkrung rawt ai teng yang gaw, Shi tau hkrau tsun tawn ai lam teng ai, Shi a asak hkrung lam hte Shi a si hkam ai lam gaw teng man ai lam re ngu mai tsun nga ai re. Dai ni Shi hkrung nga ai lam gaw nachying wa teng man ai lam langai rai nhtawm, sakse law law madi madun lu ai mau hpa lam kaba langai rai nga ai. Lawu na lam ni gaw Shi hkrung rawt ai lam hpe shadan shadawng ai sakse ni rai nga ai.

Hkrung rawt na re, nga nna Shi hkum nan tau hkrau myihtoi htoi tawn ai. (Mahte 16:21; Marku 9:9-10; Yawhan. 2:18-22).

Ga Shaka Dingsa hta tau hkrau myihtoi htoi tawn ai. (Shakawn Kungdawn 16:10; Kasa 2:25-31; 13:33-37).

Lup sung hku hta mang kata rai mat ai. Moi mang kayawp ai sumpan sha ngam ai. Dai aten Yesu hkrung rawt ai lam hpe adawt ahtu ai ni, Yesu lama n hkrung rawt ai rai yang moi mang shapraw madun na lam nga ai. Shanhte dai n lu galaw ma ai (Yawhan 20:3-9).

Masha law law wa hkrung rawt ai Madu hpe mu ma ai. Shi hpe lata hte nan hkra lu ma ai. Shi hte rau malu masha sha ma ai (Mahte 28:16-20; Luka 24:13-39;Yawhan 20:11-29; Yawhan  21:1-9; Kasa 1:6-11; 1 Kor.. 15:3-8).

Shi a hpang hkan ai kasa ni a asak hkrung lam kalang bai n-gun atsam nnan hpe hpring nna hkawm sa lu ma ai (Mahte. 26:56, 69-75). Shawng daw de hkrit kajawng kahpra nna hprawng makoi yen hkawm mat sai ni ndai zawn bai asak hkrung nna nden marai hte sakse hkam wa ai gaw Yesu sha bai n hkrung rawt yang gaw mai byin na lam n nga ai.

Yesu hkrung rawt ai ngu ai gaw, Hkristan makam a hpung nnan prat kaw nna ya dai ni du kabu gara hkaw tsun nga ai mungga langai mi rai nga ai (Kasa 4:33; 5:30-32; Roma 5:24).

Mungkan a labau hta kaning re ai n hkru n kaja ai wa hpe mi rai rai, asak ningnan de woi wa lu ai mungga gaw Hkristu Yesu hkrung rawt ai a marang e ya dai ni du hkaw tsun nga ai hkye hkrang la ai mungga rai nga ai. Hti ndang, law la ai mungkan masha ni a galai shai ai asak hkrung lam gaw Hkristu hkrung rawt ai lam a sakse kaba nan rai nga ai.

Hkristu a Hkrung Rawt ai Lam Gaw :

Hkristu gaw Karai a Kasha re ai lam sakse re.(Roma 1:4).Hkye hkrang la ai magam gaw ngut kre sai magam re ngu ai lam sakse madi madun nga ai  (Roma 4:24-5).Kam sham ai ni ding hpring ai asak ningnan hta hkawm sa lu sai lam sakse re (Roma 6:4).Kam sham ai ni a matu htinglu htinglai ya nga ai ahkrung nga ai hkinjawng agyi kaba nga ai lam sakse re (Roma 8:34).Shi gaw Madu rai nga ai lam sakse re (Roma 14:9).Hkristu lani mi teng sha bai du sa na lam hpe sakse madi madun nga ai (Kasa 17:31).Si lai mat wa ai ni bai hkrung rawt na re ngu ai hpe sakse madi madun nga ai (Yawhan 5:24-9).

Funeral of Brezhnev

As Vice President, George Bush represented the U.S. at the funeral of former Soviet leader Leonid Brezhnev. Bush was deeply moved by a silent protest carried out by Brezhnevs widow. She stood motionless by the coffin until seconds before it was closed. Then, just as the soldiers touched the lid, Brezhnevs wife performed an act of great courage and hope, a gesture that must surely rank as one of the most profound acts of civil disobedience ever committed: She reached down and made the sign of the cross on her husbands chest. There in the citadel of secular, atheistic power, the wife of the man who had run it all hoped that her husband was wrong. She hoped that there was another life, and that that life was best represented by Jesus who died on the cross, and that the same Jesus might yet have mercy on her husband. Gary Thomas, in Christianity Today, October 3, 1994, p. 26 

 

Yesu Hkrung Rawt ai Lam hte Seng nna Jahpyak ai Lam ni

       N kam ai masha ni Yesu a hkrung rawt ai lam hte seng nna amyu myu tsun jahpyak ma ai. Yesu hpe wudang hta jen ai rai tim n si ai sha lup kau hkrup ma ai. 'Kya kahpap malap (Swoon) mat hpe si ai shadu kau nna lup kau hkrup ai she re. Masum ya ngu na hta lup sung hku kaw nna bai amya pru wa ai she re' da.

       Nkau mi bai rai jang, Yesu si mat ai hpang shi hpe ladu lai myit dun ai sape ni hte shi a hpang hkan ai ni Yesu hpe shingran (Hallucination) hku nna mu ma ai hpe 'Shi hkrung rawt sai' nga nna kajai shi shamawng ai she re nga ai. Nkau mi bai rai jang, Mari hku nna Yesu a lup de sa kawan ai shaloi, sun sin wa hpe Yesu shadu nna atsawm bai njep yu ai sha, Yesu hkrung rawt sai nga nna ma katu dumbre mat wa ai she re nga ai. Bai nkau mi bai rai jang, hkrit kahpra nga ai Mari hte kaga sape ni gaw Yesu a moi mang kawan na nga sa wa ai shaloi nau hkrit ai majaw, Yesu a lup sung hku madung nre ai moi mang nrawng ai kaga lup hpe sa yu hkrup nna, 'Shi hkrung rawt sai' nga nna kajai hpang dat ma ai she re nga ai. Nkau mi bai tsun ai gaw, sape ni Yesu a moi mang lagu shaw la nhtawm, Yesu hkrung rawt sai nga nna shiga masu shapoi shabra ai she re bai nga ma ai. Ndai zawn jahpyak ai lam ni jaw na kun? sawn yu ga;

       Amyu myu zingri katut, garep e nri hte galun waw katut, sai htaw nna malap mat wa ai masha langai mi hpe, mang mawn hkayawp ai pawng 75 daram re ai sumpan hte ahkang hkayawp tawn ai ngu ga. Dai masha wa shi hkrai lup kata kaw na amya pru wa lu na kun? Lup sung hku hpe pat tawn ai nlaw htum ton 1.5 daram li nak ai nlung pa hpe lu galau na kun? Nmai byin na re. Myit dun la nna marit dik ai majaw shingran mu ai hpe sha hkrung rawt ai ngu nna tsun ai rai yang, Pawlu zawn shawng daw de Yesu hkrung rawt ai ngu ai hpe kachyi mung nkam ai sha n ga pyi nkam madat ai masha ni, hpang daw de Yesu hkrung rawt ai lam si n tsang sakse hkam wa ai gaw hpa majaw rai ta? Lup sung hku shut ai nga yang, Yesu hkrung rawt sai ngu ai shiga hpe kachyi mung nkam madat ai Yuda masha ni hku nna Yesu a lup madung hpe madi madun chyalu re. Ndai lam lama she teng ai rai yang, Roma asuya ni hte Yuda ningbaw ningla ni hpa majaw sape ni hpe bai nje yang ma ai rai ta? Lagu ai she teng yang gaw nje yang gaw nnga na re. Sape ni moi mang lagu na hkum tsun, Yesu si ai hte shagri brep nna, galang htim ai shaloi na uhkai hkalung ni zawn zumbru zumbra hprawng lam she n katut rai mat wa sai aten she re. Yesu si mat ai aten hta shi a sape ni gaw, myit mada lam htum mat sai ngu nna bra ayai mat sai re, tinang chye ai hku abram hkawm mat wa sai. Masum ning jan Yesu a hpang hkan ai hpe sum kaba hku nna she hkam la mat sai ni rai nga ma ai.

      Rai tim, Yesu si ai kaw na bai hkrung rawt wa ai hpe myi chyaw ta tut mu chye wa ai shani kaw nna gaw, Yesu a lam nhkrit ntsang ndut ndang sakse hkam wa ma sai. Mau hpa hkrung rawt ai atsam hte myit mada lam nnan hta asak hkrung ma sai. Hkrung rawt ai lam a atsam gaw kade mau hpa wa rai nga a ta? Lahta na jahpyak ai lam ni she teng yang, shanhte ndai zawn asak hkrung na ma ai kun?

     Yesu hkrung rawt ai masat nhtoi hta kalang bai sumru ging ai mungga gaw; NGAI GAW BAI HKRUNG RAWT AI LAM HTE ASAK HKRUNG AI LAM RAI NGA NNGAI; NGAI HPE KAM SHAM AI WA GAW SI MAT TI MUNG AHKRUNG NGA NA RA AI... nga ai re. Kasa ni sape ni hpe atsam nnan hte woi awn ai hkrung rawt ai Madu gaw dai ni mung Shi hpe kam sham ai ni hpe lam woi nga ding ngam re.

Enter supporting content here