|
SARA KABA GUSTAF SWORD
Sara Kaba Gustaf Sword gaw Sweden mungdan e shangai nna naw kaji ten hta America de du wa sai. America mung Connecticut
ngu ai shara e nga lai wa sai. Swedish chyum jawng langai hta mungga hpaji hkaja la ngut nna Chicago hte Des Moines ngu ai
shara ni hta 1914-1920 ning laman hpung up magam gun lai wa sai.
Dai hpang e Jinghpaw mung de sasana magam gun na rawt sai. Shawng nnan na Jinghpaw Chyum Laika jawng hpe hkrang soi shapraw
nna gaw gap ai hta lit la lai wa sai. Jinghpaw Chyum Dictionary laika hte hpung woi ni a matu Hpung Woi Kasi laika buk hpe
ka lajang dip shapraw sai. Chyum jawng hte hpung a matu ra ahkyak ai laika ni hpe gale dip shapraw sai. Shi a ningrum ningtau
jan Edna mung atsam marai dat nna sara kaba hpe madi shadaw lawm lai wa sai re.
Hti hkum lahkawng Mungkan majan byin wa ai aten hta Kuthkai kaw na hpyen hprawng hprawng mat wa sai. Lam e hpyen du kaba
General Claire Chennault shi hpe mu hkrup nna India de hpyen nbung-li hte woi mat wa sai.
Majan a hpang Myen mung de bai nhtang wa nna Yangong e sasana ginjaw a amu madu magam hpe bai wa gun sai. Sasana jawng
hte nawku jawng tsa shadang nna gaw gap ai hta lit la lai mat wa ai sara kaba re. Myen mung de bai nhtang wa ai aten hta sara
kaba gaw Wunpawng sha ni a sasana magam hpe lahpa galai la nhtawm shakut shaja nga ai hpe lawu na zawn nga shakawn sai.
"We built better than we knew. The Kachin people have not only remained faithful, but have carried the banner farther
a field, and have gained large numbers of new converts."
|
