Gin htawng jawng dat ten langai mi hta Wa a sha ngai dai daw bu ga rai nga ai Mali hkrang wa lawng na Lali ninghtawn, Kawng ra mare de Wa hte rau jinghku ja hkrum na ma tu ngai mung layang Myitkyina ga kawn Tang Hpre mare de du hkra maw daw n tsa hta noi nang mat wa ni ai...Bum ga de lung ai maw daw re majaw arung a rai ni anoi abya ...katawng, htingga hkaung sang hte rai bum ga na masha ni law malawng rai nga ma ai.. Myitkyina de laning mi hta she kalang du let... du ai shaloi ra ai rung rai ni hpe mari jahkum la let bum ga de bai htaw wa ai ni rai nga ai.....Jawng rai n dat shaloi ma nang ni hte ngai jahkrup da ai gaw, dai ning na jawng dat hta gaw ndu yu ai pang lai hkin gau (Chyawng Ta ) Ngapali de she sa ga.....lai wa sai shaning hta gaw Sam mung Tawnggyi - Inlay de she sa sai re majaw, dai ning gaw pang lai makau de sa na hku grai rai myit hkrun da ai rai nga ai.... Ya gaw ..Manang ni hte bawng da ai pyaw hpa shing ran ni mat mat ai majaw...Wa hpe ..myit kraw kata hta ngai pawt nga n ngai. Hpa majaw nga yang ...prat ting n kajai yu ai ...dai ning she kajawng kaja rai wa ...bum ga de jinghku jahkrum lung na matu lajang ai majaw ngai mung wa a ga madat ra mat sai ...Wa kaga bungli bum ga masing hpe mung n bung ai bum ga de hpa baw amyat wa mu da ai kun?.....................wa a bum ga hkrun lam hpe sumru let mawdaw hte rau nye myit ni mung gat nang wa sai... An wa mung an wa a lit rai ni hpe shaw la gun n na ...lagaw lam hte hka li daru de yu sa wa saga ai....hka daru kaw masha nkau hka li la nga ma ai...Sinpraw maga gaw N mai hka rai n na, Sinna maga gaw Mali hka rai nga ai......Ndai hka lahkawng zup ai sha ra hka zup kaw hka li daru rai nga ai. Mali Nmai walawng de sa na ni gaw ..sinpraw ma ga Nmai hka hpe rap nna sa ra ai............ an wa sa na shara gaw Mali-hkrang walawng rai nga ai...Mali-hkrang walawng gaw Mali hte Nmai lapran na ginra rai nga ai ..An wa gaw hka li hte dai lapran zinlawng de rap mat wa sai....nam maling kata de shang bang mat wa ai hte rau ..nye myit ni mung n chye tsun dan ai ..myit kraw hta garen garen nga ...makau kaw Wa hte rau hkawm ai rai tim...wa a myiman hpe yu dat ai shaloi gaw ..ya she 16 ning brang ji n sam zawn grai pyaw ai n sam rai nga ai........hpa hpe myit sumru let pyaw nga ai kun?........Wa a myit hpa majaw pyaw ai n sam pru ai ngai n chye na ai. An wa hte rau hkrum lam hkawm sa nga ai num la ni mung yawng marai 7...8.. rai nga ai. Kadai mung kade gamung hte kadai tsun jahta let hkawm nga ma ai...........Ya ten ...du hkra ...hkrun lam a lam hpe Wa ngai hpe hpa munng rai n tsun dan ai majaw .......wa hte mung gamung hkrum ngai hkrai sha rai nga ai.....kalang lang hkashi kasha ni hpe rap ...bum lung bum yu maling kata na... U tu u gaw ....wau taru ............nam hkrun lam maling hkrun lam bum lam kalang mung n hkawm yu, n du yu ai nye matu yawng gaw laklai ai rai tim ...ya ten hta ..gaungwi ngwi ..pyaw wa ni ai ...Bai nna ,,nye myit hta Wunpawng buga bum ga a lam ni mung, lawu Myen mung ga, Sam mung ga sha ra magup hte maning lai sai jawng dat ten manang ni hte hkawm ai hkrun lam ni hpe bai shingran shingdaw yu dat ni ai Bagan, Nyawng Oo , Inlay, Tawnggyi ..... sa du yu yang hkraw hkaw ...hkra hkra ..Jan gaw kahtet la ai hte hpun kaba shingnip mung n nga ..hkashi, hka hpawk hka rum lwi ai n sen gaw tsun pyi hkum tsun ...U num ji gawng tawk u nsen ..tik tak ..Dai gin ra hkan na hpu nau ni hpe yu dat ai shaloi mung ..myit she yu htum na zawn re......hkai lu hkai sha shara kata ....marin marit hpa hkai sha mai ai mung ngai nmu...mying ka ba la ai ...Tawnggyi-Inlay makau grup yin n lung bum.. nam htun bum krin..maling kaba hpun kaba ntu.....Inlay hka nawng lai...............sun lahpa mi hkai sha lu na matu yak yak, aten law law jaw nna she hkai sun hpe hka la-ing kata kaw shakut la ra ai ginra ...matsan she dum ai...dinghku langai lu lu, lu sha a sak hkrung lu a matu ...shatkan a matu n sim nsa shakut sha ai ginra ...kawa yan langai hpun langai hpe grai manu shadan let jai lang akyu jashawn nga ma ai... Ya ngai hkawm nga ai Jinghpaw Wunpawng bum ga....lapai lahkra shara maga de yu dat ai rai tim...A kyu ja shawn mai ai ..hpun kawa ni hkrai, mying shamying pyi n chye ai manu daw dan n lu ai ....sut ni hkrai tsit lali ai bum yan ni hkrai......nbung katsi sha gaw hwi..hwi nga myit masin kata hta katsi pyaw ai zawn...myit kraw kata hta mung sim sa pyaw la nga ai ...Kalang lang Mali hka gingau makau hku garet hkawm lai ai shaloi ...mali hka yan hpe santsit tsawm lwi nga ai hpe mung mu lu nga ai...mali hka n dai wa ...an hte Karai a shaman chyeju hpring ai Wunpawng buga hpe grau nna manu shadan tsaw ra myit rawng wa ai zawn ndai zawn yawng yawng ra n rawng hkra jahkum shatsup ya ai ...Karai Kasang hpe grau chyeju dum ai myit ni rawng wa ni ai... Ya she a Wa a bum ga hkrun lam hta hpa majaw 16 ning brang ji mi man man ai i..ngu ai ma htai hpe mung chye na wa ni ai...ya hkrun lam n htoi 3 lai 4 ya nhtoi de shang sai..mali hka daru rap ai hpang kaw na ka htawng mare law law hpe lai di kau da saga ai....rai tim ..lu sha ma nu yup shara manam jarawp gum hpraw lap mi mung an wa a, sum bu kaw na lap mi mung n shaw rai nma ai.Mare ka htawng la ngai ngai ..du shang ai ten ..gara n ta kaw mi shang bang wa tim..manam law ..ngu dat ai hte n ta masha ni kawn ..shang wa ma rit law ..dung ga law ga ra buga na re ta..ka dai wa rai ta nga ..shachyen shaga Wunpawng htung hkring hte hkrak kabu gara hkap hkalum ..shana jan du wa ai hte rau..shani yisun sa ai mare masha ni bai du wa ..ding gai nu num ni hpang ni ..wa la ni hpung mi ...ram ma ni hpung mi ..manam du ai nta de hpung mi hpung mi shang sa wa nna ..U di lang ai ni lawm ...u rim hpai ai ni hpai ..Wunpawng (Chyanun chyu gun ai ni gun rai) ..manam shachyen sa ma ai ka gu ..ga rat ..kanam..kasha ..kahkri ..kajum..gawoi ..kanu..kawa.. hpu nau hkum hkra..tinang hte daw ang ai hku shachyen shaga ai hpe tatut ngai hkrum, manu dan gin ra hta manu dan la ai Wunpawng htung hkring hpe mu lu ai shaloi ...shinggyim nga sat madang tsaw ai hpaji madang tsaw ai..sut gan gumhpraw lu ai mare kaba Yangong, Mandalay na shinggyim hpawng ni a matsan mayan rai, manam sa yang n ra shara jaw ,shat daw na gaw hkrum tsun ...moi shawng shawng chye hkat hkau hkat ai pyi n chye masu su..n mu masa su...tsaw ra myit gaw kata....shada a rawng mala shing jawng ai shinggyim uhpung. Wunpawng buga bum ga hta tsaw ra myit she shing jawng hkat nga ma ai......manam sa na hpe shan hte ra sharawng nga ma ai manam hpe daw jau mayu nga ma ai...............shing rai lam law law hpe mu lu ni ai.......dai shaloi Karai a shaman chyeju ngu ai hpe ngai bai myit sumru yu ni ai....Kaja wa shaman chye ju hpring ai gaw ..Kadai mi rai ta.?....gara shara hta rai ta ? wut dek n ta rawng .......prat dep mawdaw jawn gumhpraw sut gan law law lu ai ni kun?................n rai n rai... tsep kawp n rai nga ai ...hpa ma jaw nga yang shan hte ni shani shana ..masu magaw ..mawsha myit simsa lam n lu..myit kahtet nga ma ai...lagut hpe hkrit ra , chyinghka zaw la let rawng nga ma ai. Ya Wunpawng buga hta shani n ta sin masha n ra mare sin masha ..langai lahkawng sha nga ai...chyinghka zaw n la ra ai...lagut lagu nnga, yawng hpe tsaw ra ai myit hte shing grup da nga ai.....dai majaw Hpan wa Karai mung dai Wunpawng buga hta ra n rawng hkra shaman chyeju jaw da nga ai...................kaja wa jet ai sha man chyeju gaw wut dek nta nrai prat dep maw daw n rai.................. Ja, gumhpraw sut gan n rai.....Arawng sadang n rai..........tsaw ra ai hte shagu hta kaba jaw jau let sha da matsan dum...................... garum shing tau myit hkri dun let ..dai ma du a mung ga hte maren...myit shadik let nga pyaw nga ai....... Wunpawng shani hte ging dan ai majaw Karai jaw ai mung dan ..Karai jaw ai Wunpawng buga..chyeju hkum ai buga ,...myit yu magang Karai a chyeju ni Wunpawng buga hta law ma gang rai nga ai..........Nye myit ni hpawng wa sai hte maren....ndai bum ga hkrun lam de ngai kasha hpe woi lung wa ai Wa hpe mung chyeju dum dik n ngai law...Lai wa sai ten nye myit ni....bum ga nam ga nga jang prat madang nem ai buga ...Tinang a Wunpawng buga hte Wunpawng myu sha ni hpe yu kaji myit .....mare kaba mai gan gin ra hte mai gan myu ni hpe she yu kaba ai myit ni.....Ndai bum ga hkrun lam hta yawng shaw kabai kau ni ai... Ngai hkrai ka de na hkra myit sawn sumru da mat wa ai n chye.......Ma grai ba sai i..? Ka de nna yang ,,Wa ni buga na nni nwoi ni nga ai ...Kaung ra buga ma re du na rai sai...Htaw ..yu..yu..u ..ngai Wa a shaga nsen na yang she bai hpang wa ai.......Wa ta layung madun ai de yu dat ai...tsawm ra ..dam ai la yang tsawm ai bum n tsa kaw ma re de da ai...Kawng ra mare hpe mu lu ai..mare makau bum ga ma kau hta hka shi langai lwi nga ai...hka shi mying gaw Jalen hka da....Mali-hkrang wa lawng gara hka shi kaw htu htu ja n pru hka shi n nga ai da...Gara bum kaw a lai alai............... N hprang wan ga bum..Ja bum..Npu..ntsa hkum sum hpa .Wunpawng buga hta Karai jaw da nga ai. Ya Wa a dai daw buga Kawng ra mare du shang wa sai .... Shana maga jandu mahka rai nga sai...mare makau ..Jalen hka hta ma kaji nkau mi hte Nu num ni hkaja nga ma ai....Wa myiman mung 16 ning brang ji hta grau kaji mat ai n sam she rai mat nu ai......Wa pyaw ai zawn ngai mung pyaw nga nngai... Kawng ra mare na gumgai dingla mahkawn shabrang ramma ni a tsaw ai shawang myit hte kabu gara hkap tau hka lum ma ni sum sai shaga pyaw chyai ai n sen ni gaw Karai a shaman chye ju hpring ai Wunpawng buga ting de chyam hkra mat wa na rai sai ngu kam let...