Make your own free website on Tripod.com
MUNGGA SHANAN
WENYI N SHAT
HKRISTMA LAKSAN
KANU NHTOI LAKSAN
KAWA NHTOI LAKSAN
WENYI N SHAT
MATSING HPA
MUNG CHYING SHA KAJA
CHYUM HTAI
NING MU
KARAI HPAJI
MAGUP SUMHPA

DAWGRAWP AI ASAK HKRUNG LAM.( 1): HKYE HKRANG LA HKRUM NA MATU

 

HTI NA MUNGGA;         2 Kor 7:10, Sh.K 51: 17

 

            “DAWGRAWP MAT AI” ngu ai ga si gaw shinggyim ningmu hta  akyu npru mat sai. Hten mat sai the laman be be rai mat sai ngu lachyum pru nga ai..Teng nga ai daw grawp ai, daw hten mat ai sai arung arai  ni  gaw shinggyim masha ni a matu manu ndan mat sai. Raitim, anhte a  asak hkrung lam gaw la ma MADU YESU HTA DAW GRAWP ai rai yang dai gaw grai manu dan ai wenyi wunli kaba hpe byin shangun nga ai.Hpa majaw nga yang Madu Yesu a  lata gaw, daw grawp mat ai asak hkrung lam hpe ningnan bai shabyin ya lu nga ai.

Law law lang anhte gaw tinang galaw shut ai mara ni a majaw myit yawn ai the myit malai ga ai. Anhte a myit masin gaja wa  daw grawp mat chye ga ai. Raitim, Madu Yesu a lata lahpan hta anhte a sak hkrung lam nhkrat  ai majaw ( Madu hta n-ap nawng lu ai majaw), dai myit malai ai the daw grawp ai lam ni yang gaw, wenyi wunli nshabyin ai sha n-ga, aten na na nhkam ai sha wan hkut zawn bai hkoi mat nna, shawoi na yu bak mara de bai nhtang wa mat chye ga ai. Nkau gaw, tinang a asak hkrung lam hpe tinang zingri kau nna, asak jasum kau ai kaw du hkra hkrit ra nga ai. Ga shadawn, Yuda Ishakarut gaw, myit malai ai nga tim Madu Yesu kaw n-htang wa ai sha, tinang hkum tinang mare shinggran de pru nna sat si hkam kau wu ai.(  Mht 27: 1-5         )Shi a myit malai lam gaw Madu Yesu nlawm ai myit malai lam re. Petru gaw Madu Yesu hpe 3 lang ting nyet kau ai rai tim Madu Yesu kaw na tsan ai shinggan de pru mat wa ai nrai. Madu Yesu de sha bai nhtang wa ai myit masin re. (  Yh 21: 7   ).Yuda Ishakarut gaw, shawng ningnan aten kaw nna Madu Yesu hta myit malai ai lam nlu la ai wa re. Petru gaw shawng ningnan aten kaw na Madu Yesu hta myit malai majing the kam sham ai wa re. Anhte a asak hkrung lam hta, Yubak mara majaw asak hkrung lam ni daw hten(daw grawp ) mat saga ai.Dai zawn re asak hkrung lam kaw na ningnan de bai gawgap ai lam gara hku lu la na ta?Ngang kang  tengman ai myit malai lam hpe gara hku lu la rai ta? Anhte a myit malai ai hta lawu na lam ni hkum tsup ra nga ai.

1.Tinang gaw hkritung kaw nna yubak hta shangai wa ai.Yubak mara lu ai wa re( Sh.K 51:5).

2.Ndai yubak a shabrai gaw tinang hpe ngarai de du hkra jahkrat kau lu ai ( Rom 6:23).

3.Ngai galaw shut ai mara law law rai sai the dai mara yawng a matu Madu Yesu gaw nye a matu wudang ningtsa si hkam let, ngai hpe hkyela sai. ( Gal3:13, 2 Kor 5:21).

4.Ndai garam hkrit ra ai nye a yubak mara a matu gawng malai tai si hkam hkye la ai madu Yesu hpe tinang a Hkyela madu ngu myit masin hta hkap la kam sham ra ai. ( Rom 10:9-10).

5. Naw ngam nga ai asak hkrung lam hpe Madu Yesu hpe ap nawng nna asak hkrung lam ningnan hta Madu Yesu the shani shagu rau hkawm sa  na ngu ap nawng  matut nna asak hkrung mayu  ai myit masin ( Gal 2:20).

6.Shani shagu Madu the chyumlai ka hti, akyu hpyi thing lu htinglai na asak hkrung na ngu daw dan ai myit masin ( Yawshu 1:7-8. Sh.K 1:1-3).

Myit yu na lam:             Anhte a daw grawp mat sai asak hkrung lam hpe Madu Yesu sha

                                       Ningnan bai hpan da  ya lu ai

Kyu hpyi ga:                 Daw grawp mat ai nye a sak hkrunglam hpe  bai gawgap ya rit.

DAW GRAWP AI ASAK HKRUNG LAM( 2 ): SHAMAN CHYEJU  HKAM LA NA MATU.

 

HTI NA MUNGGA;         YEREM 18:1-12

Ndai chyum daw hta, Israela masha ni hpe Ga Kagam  the shabung da nna, Karai Kasang gaw Dibu sama the shabung da ai.Anhte a sak hkrung lam Karai a lata hta rai yang kade mai kaja nga ai hpe n-gun la ga.

1          Ga Kagam gaw, tinang a tinang a nhkru ai lam kaw na myit malai na hpe  ra sharawng ai.( Kaji 8).Anhte gaw  gawng kya, atsam nrawng ai, Karai hpan da ai Ga Kagam sha re hpe dum chye yang , Karai a man hta myit shagrit shanyen let, Madu hta grau sit shang mai nga ai (Esai 40:15).Raitim shinggyim masha ni a myit masin gaw, yubak hta hkrat sum hten za mat sai majaw, myit ja , du ja ai ni  tai mat nga  ai. (kaji 12, Yer 17:9 ).

2.         Ga Kagam gaw, tinang a gaw hten mat sai ( daw grawp mat sai) sak hkrung lam hpe tinang ra sharawng ai hku hkrang shapraw gaw gap na hpe Madu Karai n-ra sharawng ai.Madu Karai shi nan myit ra sharawng ai the maren anhte a sak hkrung lam hpe gaw gap ya mayu ai.( kaji 4-6 .. di bu sama gaw shi myit ra ai the maren dib u kaga bai galaw nga ai)

3.         Dibu sama Karai a lata gaw Ga Kagam a matu shim nga ai shara re.( (kaji 6- Yh 10:28-29).Anhte a sak hkrung lam hta shim lam lu nga ai gaw, anhte a bau sin makawp maga nga ai karai a kangka sadi dung nga ai sakse kaba langai re.

4.         Dibu sama Karai a lata gaw Ga Kagam rai nga ai anhte a sak hkrung lam hpe grai tsawm hkra grin shapraw gaw gap ya lu ai.( kaji 4 ).Gaw grawp mat sai sak hkrung lam hpe Karai gaw gap ya yang grau kaja ai asak hkrung lam ningnan hpe bai  lu la mai nga ai.Karai a lata hta anhte ra sharawng ai ( anhte ra ai) shaman chyeju yawng hkumtsup nga ai.

5.         Di bu sama Karai a lata gaw anhte a sak hkrung lam hpe tsawm htap ngang kang hkra gaw gap ya na matu, hpaji atsam mahkra the hkumtsup kung kyang nga ai. ( Sh.K 78:72).

6.         Di bu sama Karai Kasang gaw shi a kashu kasha ni a kyu yawm na matu nrai, galoi mung shanhte a akyu kaja a matu sha yaw shada ai ( kaji- 10).

7.         Israela masha ni asak hkrung lam gaw karai a lata hta rai nga nna shanhte a ntsa Karai tsep kawp madu up hkang nga ai zawn kamsham ai ni a sak hkrung lam mung dai the maren sha re.

            Anhte myit malai nna Karai Kasang  a lata hta ap da yang Karai mung anhte a sak hkrung lam hpe tsawm htap ai dibu bai byin hkra gawgap ya na ga sadi jaw da sai.(Sh.K 81:13-16).karai Kasang gaw anhte a sak hkrung lam hpe kade tsawm htap hkra gaw gap shaman ya mayu tim, anhte nan shi a lata hta anhte a sak hkrung lam hpe n-ap nawng dingsang, karai nmai shaman ya nga ai. Law law lang ni hkristan ni Karai the tsan gang wa nga ai hpe dum yang myit malai let , galang ta Madu Hpang de nhtang wa na hpe myit ndaw dan ai sha DUM NGA NINGLEN HKA YAWNG YAWNG nga ai hkristan ni mung law law nga nga ai.

 

Myit yu na lam;        Anhte a yubak mara a majaw asak hkrung lam kade htenza mat tim

                                  Tsawp htap hkra Madu bai gawgap ya lu ai

Kyu hpyi ga;              Madu a kung kyang ai lata hta nye a asak hkrung lam hpe ap nngai.

DAWGRAWP AI ASAK HKRUNG LAM (3); AUNGDANG AI ASAK HKRUNG LAM A MATU

 

HTI NA MUNGGA:           YH 15: 1-8;

 

            Hkristan asak hkrung lam gaw, sagu re ( Yh 10), Tsabyi hpun re, ( Yh 15), Mungkan a jum re( Mht 5) nga yang lachyum gaw, tinang a matu sha nrai,Madu Karai a matu the makau grup yin a matu re. ( Rom 11:36).Madu a hpung shingkang a matu  Makau grup yip hta  sak se madun lu na matu, hkristan ni gaw Madu Yesu hta lama ma ap nawng sum hkam kau ra nga ai.Dai gaw karai a wenyi tara ladat re.

            Madu Yesu gaw anhte hpe hkye hkrang la lu na matu shi a  hkum hkrang hpe wudang ntsa (ap nawng )si hkam ya ai hpe chyena manu shadan ai hkristan ni gaw; manu dan ai tinag a sak hkrung lam hpe Madu a matu bai ap nawng mayu wa ai.( Phil 1:21 ;29). Dai ni anhte hkristan ni Madu Yesu a matu ap nawng sum hkam kau ra ai gabaw lama ma nga ai shaloi Madu Yesu a naw ngam ai nni nkri hpe matut nna Yesu the hkam la ai re ngu hkam la   ra  ga ai.( Kol 1:24).

1. Tsabyi hpun gaw lakung law law nga ai raitim nkau lakung ( asi nsi ai lakung) hpe krum kau ra ai.Dai hku krum kau ai gaw; shinggyim ningmu hku nga yang lahpawt na zawn re.Raitim, dai zawn lakung nkau hpe krum kau ai marang e dai tsabyi hpun gaw asi law law si wa lu ai.Tsabyi sun madu a yaw shada ai the maren tsabyi hpun gaw krum kau ai hpe hkam la ra nga ai.Dai gaw, tsabyi hpun hpe asi law law grau si wa  na matu TSAN KAU YA  AI ) amu re.Anhte a sak hkrung lam hta mung  Madu gaw, shi a matu asi grau si wa lu na matu asak hkrung lam hta Madu the nseng ai  gabaw nkau hpe madu tsan kau ya ai hpe hkam la mayu ra ai.( Dai zawn tsan ai hpe hkam la ai gaw, Madu a matu daw grawp kau hkrum ai amu re.)( Yh 15:2).

2.Sagu langai a sak hkrung lam yawng gaw, sagu madu a matu re. Sagu a hpyi, shan, sau, the mun yawng gaw sagu madu a matu akyu rawng ai. Sagu madu ra sharawng  the maren, sagu gaw shi a mun, sau, shan the hpyi yawng hpe ap nawng jaw ya ai. Dai nan sagu gaw sagu madu a matu daw grawp ap nawng hkrum ai re.( Yh 10).Hkristan ni mung Hkye la ai Madu Yesu a matu mungkan ntsa hta naw asak hkrung nga ga ai.Madu  a matu ap nawng lu ai aten shagu hta kabu gara let ap nawng mai nga ai.

3.Mungkan masha ni Karai hpan hpajang da ai jum a namchyim kaja hpe nchye ma ai. Hkristan ni gaw, mungkan masha ni hpe karai a mai kaja ai chyeju  hpe hkam sha lu na matu hkristan ni gaw, byawng hkam yang she shi a shum ai namchyim pru nna masha ni dai namchyim hpe hkam sha lu na re.Dai zawn byawng hkam ai gaw madu a matu( gaw gawp) sumhkam kau ai amu re.( Mht 5 : 13 )

            Grai nhku ai yubak mara lu ai num langai gaw  myit malai lu ai hpang  grai manu dan ai sau the Yesu a lagaw hpe namman chya ya ai Daw grawp ai myit masin the Yesu a matu ap nawng ai hkungga hpe Madu Yesu mung hkap la ya ai the sakse kaba tai sai.( Lk 7: 36-39).Hkritan ni Madu Yesu a matu ap nawng ai gaw, ja gumhpraw grai  lu ai majaw nrai. Grai jan hkra law nga ai majaw mung nre. Kaba la ai Yubak mara hpe rawdat let hkye la  ai hpe chyeju shakawn ai the bai  sakse hkam ai  hkungga langai re.

Myityu na lam:          Madu a matu ap nawng na galoi mung myit shajin da ai hkristan

                                  Hpu naw ni tai ga.

Kyu hpyi ga.               Madu a matu ngai hpe mung jai lang rit Madu e.

 

TINANG A ASAK WENYI SUM  MAT YANG…,

 

HTI NA MUNGGA.         MK.8:36

 

            Lai wa sai 2 ning hta miwa mung sasana ginra de du hkawm let, Madu Yesu a hkyehkrang la ai kabu gara shi ga lam hkaw tsun sakse hkam du hkawm nngai. Kahtawng langai kaw du yang , shangai nhtoi gu sai Mahkum the re hpawmi  langai mi a nta de kyu hpyi ya na matu du shang mat wa  ga  ai. Nta madu jan a kyu hpyi gabaw a majaw nye a myit hta grai hkam sha mat ai the gara hku akyu hpyi ya na pyi nchye mat nngai. Nta madu jan a kyu hpyi ga baw gaw;” ndai mahkum hpe atsawn sha jahkrat kau lu na matu kyuhpyi garum ya marit” nga ai. Hpa majaw nga yang, mungdan asuya a tara the  ninghtan shai ai ma hkum hpe madu da ai majaw , tsu rung de ma jahkrat kau ra ai re lam tsun dan wu ai. ( Asuya tara the maren. Dinghku langai hta ma 2 hta nmai jan ai).Hkri tung  na ma hpe shangai la lu na matu myit mada shara langai sha nga ai. Dai gaw  kanu a hkam kaja ai lam hpe jep yu nna  n-gun atsam nrawng ai rai yang gaw, mungdu ni hkyem sa jaw ai the ma hpe mahtang shangai la na ahkang jaw kau ma ai.Ndai ma the kanu hpe karai kasang makawp maga ya u ga kyu hpyi ya ga ai. Dai shana de nan mare kaw nna myu  tsi rung kaba de mahkum hpe madun na matu yu wa mat masai. Ma kanu a lam    hpa shiga mung bai nna lu saga  ai.

Shinggyim masha langai a asak wenyi manu dan ai lam hpe Madu Yesu asan sha sharin ya sai. Mk 8:36 hta masha gaw mungkan ting hpe madu da nna tinang asak wenyi sum mat ai rai yang hpa baw akyu nnga ai lam sharin ya sai. Shinggyim masha langai hta rawng ai asak the wenyi hpe anhte gade garam manu shadan nga ga ai kun? Mungkan masha nkau gaw shinggyim masha a asak wenyi hpe gunrai langai zawn masat ai . Nkau gaw, du sat langai zawn sha manu masat da ma ai. Masha gaw tinang manu masat ai the maren byin wa ai. Yesu sharin ya  ai hta,

1.Anhte a hkumhkrang kata hta wenyi the asak ngu ai rawng nga ai.( N.N 2:7           )

2. Dai asak wenyi hpe mungkan ting the galai la nmai hkra manu dan ai.( Mk 8:36)

3.Masha gaw Karai manu shadan ai hpe chye manu shadan ra ai. Shinggyim masha ni gaw, Karai manu shadan ai hpe gaw manu nshadan ai sha Karai manu nshadan ai hpe mahtang gaw grai manu shadan chye ga  ai.Madu Yesu gaw anhte a asak wenyi hpe manu shadan da ai rai yang anhte mung anhte a wenyi hpe manu shadan nna ndai wenyi lani mi wan ngarai de nsa ra hkra,  wenyi a hkyehkrang la hkrum na lam hpe ahkyak da chye ra ai.

4.Madu Yesu gaw wenyi manu dan ai hpe sha sharin ya  ai nrai. Ndai wenyi hkyehkran

lahkrum na lam hpe mung shi nan hkyen lajang day a  sai.( Yh 14:6)hta Yesu gaw ngai

gaw lam re. Tengman  ai the asak mung re . Ngai hpe kam sham ai wag aw hten bya

nhkrum  ai sha htani htana asak hpe lu la ai ( Yn 3:16. :47).

 

Myit yu na lam;              Htawm hpang prat a matu na a asak wenyi shim la  lu la sai kun?

 

 

 

HKYE LA AI CHYEJU HPE N-GAWN NSAWN DI GA YANG

 

HTI NA MUNGGA;      Heb 2: 1-3; 3:19; Mht11:28-29, Yh 6:47

 

            Na a asak hkrung lam hta yakhkak hkam jau nga ai manang langai ngai hpe san seng tsaw ra ai myit the garum la ai na a garum kumhpa hpe shi nhkap la, ningdang kau hkrum ga ai kun? Dai aten hta na a myit masin hta gara hku hkam sha na ta?

            Madu Yesu a hkye la ai chyeju mung dai the bung  nga ai. Anhte a Yubak mara hta lup nga ai hpe shi mu ai, chyena ai, the dai yubak tsinyam kaw na hkyela mayu  ai majaw sha, tsaw ra myit san san the wudang ningtsa si hkam ya sai re. Anhte a atsam the yubak ningsin kaw nna asak ninghtoi de gara hku mung nmai du wa ai, anhte a tara shadik ai magam bungli the gara hku mung sumsing kashu kasha ni nmai tai wa ai majaw, yubak mara a manghkang kaba hpe yubak lu ai shinggyim masha ni gara hku mung nmai hparan kau lu ai kajaw, Madu Yesu shi nan si hkkam hkye la sai re. Madu Yesu a hkye la magam bungli gaw ra nrawng hkum tsup sai. Wu dang ntsa si hkam ai hkye la a magam bungli hpe bai hkrung raw tai the jahkum shatsup ya sai. La ma Madu Yesu gaw wudang ningtsa si hkam, lup hkam nna, bai nhkrung rawt  ai rai yang shi a hkye la a magam  bungli mung daw chyen sha rai nna, anhte mung shi hpe kam sham ai tim yubak mara nlawt ai sha nawku htung lai len the naw shakut nga ra na re.( IKor 15: 14-19).Madu Yesu gaw, bai hkrung rawt  ai hpang hpa majaw sumsing lamu de galang ta n lung wa ai sha mungkan ga ntsa hta hpa majaw nhtoi (40) ya naw nga nna shi gaw hkrung rawt  sai lam sak se madun nga a ta? Mahtai gaw, anhte hpe hkyela ai magam amu gaw hkum tsup sai the ngai hpe kam sham ai ni yawng ngai zawn si ai hpe nhkrit ra sai , hpung shingkang the hpring ai hkumhkrang the lani mi bai hkrung rawt na re, ngai gaw yubak lu ai  ni kam sham naw ku ging ai asak madu , hkyela lu ai wa re hpe sakse madun mat wa ai  re.

                        Manang wa nang hpe hkristmas kumhpa lama ma  jaw ai shaloi, nang hta lata la na lam  (2) sha nga ai. Dai gaw(a) kumhpa hpe hkap la na kun?(b) Kumhpa hpe ningdang kau na kun? Madu a hkyela ai magam gaw, hkumtsup sai the ngag kang ai sakse ni mung law law chyum laika hta madun da  ya sai majaw, yubak lu ai anhte gaw, dai hkyela ai chyeju kumhpa hpe hkap la na( shn) ningdang kau na kun? Langai ngai hpe daw dan ra sai. kadai mung dai Madu Yesu hpe hkyela madu ngu myit masin hta hkap la kamsham  ai rai yang hkye la hkrum na  ga sadi jaw da sai. ( Rom 10:9-10).Shi hpe kam sham ai kadai mung htani htana asak hpe lu la na re( Yn 6:47)

Hpu nau wa a sak hkrung lam hta Madu Yesu a hkye la ai chyeju dazik hpe lu la sai kun?( shn ) lani mi hkyela hkrum na nhten  ngu nawn wam re makam the naw ku htung tara hta naw shakut hkiba nga ai ku? .Madu Yesu hkye la ai magam gaw ngut sai, hkumtsup sai, majaw anhte shakut nra sai.Madu wudang ningtsa hkye la ai magam gaw, anhte hpe GARUM LA ai amu nre, anhte hpe HKYE LA AI she re.. Madu a hkyela ai chyeju kumhpa hpe naw ningdang nga ai wa rai yang Madu na ntsa grai yawn nga na re. Hpu nau wa, teng sha hkye la hkrum lu sai kun? Tinang a makam masham hpe bai dinglit yu ga.

Myit yu na lam;          Karai galaw ai hkyela ai magam hta nhkum tsup na hpa naw nga

                                    ata?

Kyu hpyi ga:              Madu hpe kam sham nngai. Madu e ngai hpe hkye la rit

 

MADU  NI A MADU HKAW HKAM NI A HKAW HKAM

 

HTI NA MUNGGA:            SH.R.4:8, 19:11-16

 

Mungkan ga ngu ai dinghku kaba langai sha hta mungdan law law garan nga nna, tinang mungdan myu  sha ni hpe madu up hkang ai mungkan na hkaw hkam hkaw seng ni law law nga ai. Dai hku madu up hkkang na hpe Karai Kasang jaw ai ahkaw ahkang sha re (  Kasa17:26, Rom 13:1,Dan 4:25,32).Mungkan hkaw hkam ni  gaw shi a mungdan jarit kaba hkra mungdan kaji law law hpe gasat la ra ai.Tinang a mungdan grin nga na matu shim lam amyu  myu  the hkithkam la ai laknak amyu  myu  hpe shagreng da ma ai. Tinang a mungdan sha n-ga mungdan ting hpe madu up hkang mayu ai tinggyeng law hpa ai hpyen jaubu kaba ni law law mungkan ga hta paw pru wa sai.Shanhte gaw, tinang hpe mungchying sha ni hkungga jaw na the Karai langai shara hta da nna naw ku dawjau na hpe hkam la mayu ai ma ai.( Anti Hkristu gaw lani mi mungkan ting shi a sumla hpe naw ku dawjau na hpe pyi wa  na re- Sh.R 13          ). Dai hpe yu yang hkaw hkam the Madu ngu ai arawng aya kaba gaw mungkan masha ni law law ra sharawng ai arawng kaba langai re.Raitim, ndai lam ni yawng gaw Karai ra sharawng ai lam the mahkyen masing kata hta sha rai nga ai hpe shanhte nchye ma ai.Karai a yawng shada ai lam nchye ai sha ai mungdan hpe madu up hkang ai hkaw hkam the Madu ni a matu grai yawn hpa sha rai nga  ai.

Hkawhkam nig aw, shi a aten hta jan mau, hpung shingkang amyu myu  the arawng shadang law law the rai ma ai. Raitim, mungkan aprat htum hkra madu up hkang lu ai hkaw hkam ngu ai nnga ai. Shanhte gaw, aten langai hta sha hkaw hkam galaw lu ai the aten gu yang mungkan ga kaw na htawt ra mat ma ai. Madu Yesu gaw, Mani,dai ni ,htawm hpang prat dingsa agrin nga ai Karai Kasang, Hkaw hkam ni yawng a hkaw hkam, Madu ni yawng a Madu re.

            Madu Yesu mungkan  ga hta naw nga ai ten hta Yuda masha nig aw, Yesu hpe shanhte a hkaw hkam galaw na shagwi ai shaloi shanhte a hpawng kaw na yen hkawm mat ai. Pilat hkaw hkam a man hta “ Nye a mungdan gaw ndai mungkan ga nre”(Yh 18:36) nga ai. Ndai mungga ni a lachyum gaw, Ngai gaw jarit madin masat da ai mungkan mungdan langai ngai a hkaw hkam nre.Shinggyim masha ni chyena ai hkawhkam zawn mung nre. Shinggyim hkawhkam ni zawn ngai nre hpe shaleng dan nga ai.Dai rai yang Madu Yesu gaw kaning re Hkaw hkam rai  na rai ta?

1. Hkawhkaw ni yawng a hkaw hkam the Madu ni yawng a Madu.

2. Tengman ai hku dara dawdan an hkaw hkam the Madu

3.Shi a mungdan galoi mung nhtum ai htani htana grin na mungdan a hkawhkam

4.Mungkan hkaw hkam the Madu ni yawng shi hpe shagraw na the shi a up hkang ai npu hta rai nga na.

5.Mungkan ga hta madu up hkang na matu 2. lang bai yu sa wa na.

 

Myit yu na lam ;             Na a madu hkaw hkam Yesu rai nga ai hpe Chyeju shakawn u.

Kyu hpyi ga:                   Madu a up- hkang ai npu hta madat mara lu na atsam jaw ri

MADU  NI A MADU HKAW HKAM NI A HKAW HKAM

 

HTI NA MUNGGA:            SH.R.4:8, 19:11-16

 

Mungkan ga ngu ai dinghku kaba langai sha hta mungdan law law garan nga nna, tinang mungdan myu  sha ni hpe madu up hkang ai mungkan na hkaw hkam hkaw seng ni law law nga ai. Dai hku madu up hkkang na hpe Karai Kasang jaw ai ahkaw ahkang sha re (  Kasa17:26, Rom 13:1,Dan 4:25,32).Mungkan hkaw hkam ni  gaw shi a mungdan jarit kaba hkra mungdan kaji law law hpe gasat la ra ai.Tinang a mungdan grin nga na matu shim lam amyu  myu  the hkithkam la ai laknak amyu  myu  hpe shagreng da ma ai. Tinang a mungdan sha n-ga mungdan ting hpe madu up hkang mayu ai tinggyeng law hpa ai hpyen jaubu kaba ni law law mungkan ga hta paw pru wa sai.Shanhte gaw, tinang hpe mungchying sha ni hkungga jaw na the Karai langai shara hta da nna naw ku dawjau na hpe hkam la mayu ai ma ai.( Anti Hkristu gaw lani mi mungkan ting shi a sumla hpe naw ku dawjau na hpe pyi wa  na re- Sh.R 13          ). Dai hpe yu yang hkaw hkam the Madu ngu ai arawng aya kaba gaw mungkan masha ni law law ra sharawng ai arawng kaba langai re.Raitim, ndai lam ni yawng gaw Karai ra sharawng ai lam the mahkyen masing kata hta sha rai nga ai hpe shanhte nchye ma ai.Karai a yawng shada ai lam nchye ai sha ai mungdan hpe madu up hkang ai hkaw hkam the Madu ni a matu grai yawn hpa sha rai nga  ai.

Hkawhkam nig aw, shi a aten hta jan mau, hpung shingkang amyu myu  the arawng shadang law law the rai ma ai. Raitim, mungkan aprat htum hkra madu up hkang lu ai hkaw hkam ngu ai nnga ai. Shanhte gaw, aten langai hta sha hkaw hkam galaw lu ai the aten gu yang mungkan ga kaw na htawt ra mat ma ai. Madu Yesu gaw, Mani,dai ni ,htawm hpang prat dingsa agrin nga ai Karai Kasang, Hkaw hkam ni yawng a hkaw hkam, Madu ni yawng a Madu re.

            Madu Yesu mungkan  ga hta naw nga ai ten hta Yuda masha nig aw, Yesu hpe shanhte a hkaw hkam galaw na shagwi ai shaloi shanhte a hpawng kaw na yen hkawm mat ai. Pilat hkaw hkam a man hta “ Nye a mungdan gaw ndai mungkan ga nre”(Yh 18:36) nga ai. Ndai mungga ni a lachyum gaw, Ngai gaw jarit madin masat da ai mungkan mungdan langai ngai a hkaw hkam nre.Shinggyim masha ni chyena ai hkawhkam zawn mung nre. Shinggyim hkawhkam ni zawn ngai nre hpe shaleng dan nga ai.Dai rai yang Madu Yesu gaw kaning re Hkaw hkam rai  na rai ta?

1. Hkawhkaw ni yawng a hkaw hkam the Madu ni yawng a Madu.

2. Tengman ai hku dara dawdan an hkaw hkam the Madu

3.Shi a mungdan galoi mung nhtum ai htani htana grin na mungdan a hkawhkam

4.Mungkan hkaw hkam the Madu ni yawng shi hpe shagraw na the shi a up hkang ai npu hta rai nga na.

5.Mungkan ga hta madu up hkang na matu 2. lang bai yu sa wa na.

 

Myit yu na lam ;             Na a madu hkaw hkam Yesu rai nga ai hpe Chyeju shakawn u.

Kyu hpyi ga:                   Madu a up- hkang ai npu hta madat mara lu na atsam jaw ri

SIMSA  AI MYIT MASIN KATA HTA SHA…,

 

HTI NA MUNGGA:       MHT 17; 1-2, LK 9:10 ; MHT 26: 41

 

 

            Hpaga la langai a nta hta kyu hpyi shaga ai majaw anhte sa  du  let kyu hpyi ya ga ai. Karai a mungga htawn ngut ai the  nta madu ni a kyu hpyi ga  baw hpe kyu hpyi ya nga ai ten hta, Telephone a kajawng sha ngoi wa ai. Kadai mung myi nphaw ai sha matut nna kyu hpyi nga ai Raitim, marai langai ngai Telephone hta lang nna ga shaga ai nsen hpe na lu ga ai.Kyu hpyi ngut ai hpang nta madu wa kyu hpyi hpawng hta nlawm nga ai hpe mu lu  ga ai. Kyu hpyi ngut ai hpang  nta masha ni   hkalum  ai  lu  sha hpe sha nga ai ten hta nta madu wa bai pru wa ai. Shi tsun ai gaw” Hpaga manang wa shaga ai majaw shi hpe sa jahkrum ra ai majaw, kyu hpyi nga ai ten tim pru mat wa  ra ai. Sara  ni hpe grai tawngban sai law” nga ai.

            Ndai mungkan ga  gaw , shani shagu grai bungli law nna masha ni mung nhkring nsa aten  gashun nna hkawm sa ai  aprat ten rai nga ai. Dai zawn re aten hta hkristan ni Madu Karai hpe kam sham naw ku ai aten. Chyum lai ka hti ai aten, Kyu hpyi ai aten , kam sham ai ni the ganawm mazum na matu aten jaw na grai yak wa nga ai aten re.Madu Yesu gaw sape ni hpe bum ntsa simsa ai shara hta simsa ai aten la nna kyu hpyi ai aten la chye na hpe sharin ya ai. ( Mht 17:1-2). Shi nan Simsa ai shara hta Kawa Karai Kasang the aten la kyu hpyi ai (  Luk  :   6:12  ). Karai Kasang gaw, anhte hpe shi a kashu Kasan ni shatai la sai majaw , kasha ni kanu kawa ni the aten law law la na hpe ra  sharawng ai zawn Karai Kasang mung kamsham ai ni the, aten law law la mayu ai . Anhte shi kaw sit shang ai aten shagu hta, anhte a matu aten galoi mung aten jaw mayu ai karai, aten jaw lu ai Karai re. Kam sham ai ni mahtang Karai hpe  aten Nari hkum mi jaw na  yak tim , kaga mungkan aten( sumla yu ai aten, nta shingga de hkawm chyai na aten, ginsup ai aten, manang ni the shaga chyai ai ten) a matu Nari hkum 3 jaw na nlahpawt ga ai.

            Kamsham ai ni kyu hpyi ai aten, chyum lai ka hti ai ten the , shi hpe naw ku dawjau ai aten ni gaw, Karai kasang the anhte a wenyi matut mahkai nna, myit masin hpe Karai a mungga shat jaw sha nga ai aten re. Dai majaw anhte kyu hpyi ai aten hpe grai manu shadan chye ga. Kyu hpyi ai aten hpe dinghku shagu hta aten masat da ga, Kyuhpyi , chyuim laika thi ai aten hta, mungkan kaw na nsim nsa ,gadau gadap nga ai mungkan nsen ni hpe nna hkra , chyinghka hkuwawt ni hpe la da ga. Anhte a cell phone, nta telephone ni , T.V, Video nsen ni hpe pat da ga. Karai the htinglu htinglai ai aten ni simsa ai the ngut lu na matu, the Karai kasang kaw anhte a myit masin wenyi , simsa ai the sitshang let, Karai Kasang kaw na n-gun ningnan the shaman chyeju ningnan ni hpyi la ai aten la ga;

 

Myit yu na lam:    Karai Kasang  the simsa ai aten la na ngai hta yak ai lam hpa nga a ta?

Kyu hpyi ga:         Madu hta sitshang shagu ngai hpe hkapla ai majaw chyeju kaba ai

                              Madu e.

 

MAT AI  HPE TAM NNA HKYE LA AI  MADU

 

Htina mungga.      N.N. 3: 9 Lk 19:10 Luk 15:24

 

            Galang mi anhte ni a dinghku hta  grai myit gahpra ra lam langai hkrum hkra ga ai. Kasha Myu San Naw dai aten grade 3 jawngma sha naw rai nna asak mung naw kaji ai aten re. Nta kaw nna deng 3 daram tsan ai kaw tution sa la ra ai. Tution ngut aten galoi mung ningsin sin wa aten shana de 6:00pm daram hta she ngut ai tha n-ga shi hkrai nta de atawm nchye wa shi ai majaw nta masha ni sa  tau la ra ai.Lana de na aten shi hpe sa  tau la na aten hta ngai mung hpung zuphpawng ngut aten hpang hkrat ai majaw aten dep nlu sa tau kau ai.Kanu mung dai shana de nawku jawng kaw, chyum laika sharin hpawng de jau jau sa mat ra ai majaw nlu tau kau ai. Ngai hpung zuphpawng ngut nna kasha Naw hpe sa  tau ai shaloi tution nta kaw shi nnga ai. Shi a lam san na  Tution sara num mung shi a nta de ma mat sai. Ganing ndi Tution sara num  nta de shagawn la nna ngai the Tution sara num kasha Naw hpe shi a jawngma manang langai hpang langai a nta hkan shana ting tam yu tim nmu ai majaw kawa re ai nye a myit hta grai myit tsang kau nngai. Dai aten ma ni grai mat ai aten mung re majaw grau tsang kau nngai.Ngai mung Karai Kasang kaw ahkyu hpyi ap da ai hta  lai nna hpa nchye myit mat nngai. Karai a chyeju the dai shana de kasha Naw  shi hkrai nta de chye tam wa ai majaw grai kabu lu  ga ai. Kasha the kawa jahkring mi sha dawhka nna bai hkrum ai shaloi kabu ai namchyim gaw hpa the mung nmai shabung nga ai.

            Nhtoi shi ya daram na ai shaloi nta kaw na dai jahpat sha mari bang da ai wa kasha langai shana de bai mat mat ai. Makau grup yin tam yu tim nmu ai majaw matut nna bai ntam ai sha myit a pyaw sha shana yup shaloi lu   ga ai.Nta na wa kasha mat ai the tinang tsaw ra ai kasha Naw Naw mat ai shaloi na hkam sha ai lam (2 )  hpe shabung yu yang grai shai nga ai. Wa kasha mat ai shaloi myit hta  tsang ai lam, wa hpe nmu nmai tam na ngu ai myit nrawng ai. Raitim Kasha mat ai shaloi Ma hpe tsang ai, matsan dum ai the nmu mu hkra tam na myit katu hkam sha nngai.

            Madu Yesu gaw anhte yubak hta mat nga ai hpe tam nna hkye hkrang la mayu ai myit masin gaw ngai kasha jahkring mi mat ai shaloi hkam sha ai myit hta grau kaba nga ai.Anhte hpe tam nna hkye la ra ai majaw sumsing nta hpe jahkring mi tawn da kau nna wudang ntsa si hkam nu ai. Anhte hkrai sumsing nta de nchye tam wa ai majaw shi nan dasang mungkan ga de yu sa nna anhte hpe tam la wu ai. “ Nang gara kaw rai nga nta? Ngai kaw war it” ngu  shaga ai Madu Yesu a nsen hpe na ai raiyang aten n-gang ai sha dai madu kaw sit shang wa  ga. Madu tam la ai hpe anhte nhkap la ai rai yang anhte hpe hkye la madu nre ai kaga madu masu ( Satan) wa tam la kau ai hkrum na tsang ra ai.Anhte mat nga ai shara kaw nna dai Madu Yesu kaw nhtang wa  ga.Madu Karai gaw anhte myit malai nna shikaw nhtang wa yang galoi mung hkap na chyinghka hpaw da nga ai.( Lk 15:24 ).

 

Myityu na lam:              Madu tam nna hkyela ai hpe nang hkrum sai kun?

 

Kyu hpyi ga ;                 Madu hkyela ai chyeju ngai hpe hkam la shangun rit Madu e.

MUNG CHYING SHA KAJA NI

 

HTI NA MUNGGA:          Yer 29:1-11

 

            Israela amyu sha ni Babalone mungdan de shaning(70) mayam prat hta nga ra ai gaw shanhte a shut hpyit mara a majaw re. Dai aten hta shanhte a mungdan hpe myit dum ai ten, mahkawn mahkawn na atsam nrawng ai aten re. Maigan mungdan hta shaning  ( 70 ) bawng dung nga ra ai gaw, myit daw myit hten hpa re. Dai aten hta shanhte a matu Karai a mungga gaw, maigan mungdan hta nga ai aten hta raitim  galaw ra ai magam bungli ni hpe galaw na matsun ai.

 

1.Kan bau magam bungli hpe galaw nna buga hpe gawgap sharawt let nga na matu

   Nta galaw nna de nga mu; sun ni hkai nna nam si sha  mu, ( kaji 5)

 

2.Myu sha rawt jat lam hta galu kaba wa mu.

   Num la nna shayi shadang shaprat mu, ; nanhte a shayi shadang sha ni hpe ,num la num wa shangun mu; shanhte mung mayat maya wa mu  ga: Dai yang e law htam wa mu, hkum yawm wa mu( Kaji 6 )

           

3.Maigan mungdan hta bawng dung nga ra ai raitim, maigan mungdan asu ya a matu simsa na lam karai kaw kyu hpyi nga na matu.

    Ngai nanhte hpe rim wa shangun ai mare a ngwi pyaw tam nna ,de a matu Yehowa hpe akyu hpyi mu ( kaji 7).

 

     Lahta na mungga matsun hpe karai jaw  ai gaw, shi a kashu kasha ni maigan mungdan hta nga ai aten rai tim mungchying sha kasha ni tai let sakse kaja ni tai nga na matu, Maigan mungdan hta nga ai aten raitim, karai kasang gaw shanhte the arau rai nga ai the shanhte a magam bungli hpe shaman ya mayu ai karai.re , shanhte hpe galoi nkau da ai sha shanhte the arau rai nga ai hpe sharin ya nga ai. Ndai mungga hpe Isreala hkan galaw nna Karai a shaman chyeju hpe hkam la shangun mayu nga ai. Shanhte a mai kaja ai akyu a matu karai yaw shada ai lam re hpe chye shangun nga ai.

 “ Nanhte a lam ngai myit ai hku ngai chye nga nngai: nanhte hpe jahten na nrai; nanhte myit mada ai lam , htawm hpang e lu la hkra, ngwi pyaw ai hku hkrai ngai myit nga nngai.”( kaji 11).

             Kam sham ai hkristan ni mung tinang nga ai shara hta karai a mungga matsun the asak hkrung let, karai a arawng shapraw lu ai ni tai ga.Ndai mungkan a nta madu ni nrai, manam ni re dum let, ndai mungdan ntsa hta naw nga nga ai aten hta karai a sumsing mungchying sha the mungkan mungchying sha kaja sakse ni tai nga ga.

 

Myit yu na lam:             Ngai nga ai shara hta mungchying sha kaja tai nga ai kun !

 

Kyu hpyi ga :                 Madu a sumsing mungchying sha sakse madun lu na atsam jaw

                                       Rit .

   

   .

 

HTINGBU WA JINGHKU KAJA

 

Hti na mungga;       Yaku 1:27, Lk 10: 30-37

 

            Hkristan makam masham gaw, Karai Kasang hte tinang dinghkrai htinglu htinglai ai sha nrai, makau grup yin na mungkan masha ni the mung matut mahkai nga ai. Tinang langai hkrai Karai the seng ai zawn , Makau grup yin the mung ( Madu Yesu hta ) seng wa sai.Dai majaw hkristan ni   gaw mungkan masha ni a lapran hta Madu Yesu a hkringmang( Sakse the kasa ) ni tai wa sai.Dai gaw mungkan a jum the nhtoi ni tai na matu re.( Mht 5:13-14).Hkristan ni mungkan masha ni hpe hku hkau   ganawn ai hta munggan a ningmu, the ladat hku nrai, Karai a tsaw ra myit tara  hta ningpawt da ganawn ai re.

Karai a tsaw ra myit gaw lachyum sha rawng nna , atsam nrawng ai nrai. Gasi sha tsawm nna magam bungli ( Action )nlawm ai nrai..Karai a tsawra myit hpe hkritan ni lachyum shaleng ai shaloi, dai tsaw ra myit a atsam the magam bungli   mung lawm wa ai. Dai tsaw ra myit gaw, matsan mayan , jahkrai ,gaida ni hpe garum ai sha nrai, shanhte a asak hkung lam, the nga pra nga ai mungkan ( Society) hpe mung galai shai kau ya lu ai.Htingbu wa hpe tsaw ra ai nga yang, shi a asak hkrunglam , shi a dinghku, shi a makau grupyin , the shi a shawng lam hpe du hkra , myit lawm let, myit shalawm wa  ra sai.Dai gaw Karai a tsaw ra myit hpe tang du ai hkra jai lang ai the, sakse madun ai ladat re. Law law lang hkristan ni mngkan dingbu wa hpe mu mada ai gaw, lani mi ngarai de sa  wa  na wa ngu ai ningmu hku mu mada kau nna,Karai a tsawra myit hpe dangdu hkra sakse hkam  na, garum la na hpe prai kau chye ga ai.

Lk 10 hta madu Yesu gaw htingbu wa ntsa hkinghku kaja sakse madun ai maumwi re. Lachyum the mabyin hta n-gun la ga;

1). Yurak jamjau hkrum nga ai.mai gan masha wa hpe tsaw ra myit tara the garum

  la ai.

2).  Shi a asak hkrung lam hta hkrum hkra ai ruyak ai  hpe chyena ai the hkap la

 ya  ( kaji 34)

3). Hkrum lam hta lakawn la ai(kaji 34)

3). Shi a shimlam hpe lajang ya ai.( Kaji 34)

4) Shi hta ra ai ja gumhpaw hpe lit la ya ai (kaji 35)

5). Shi hta htum ma ai ja gumhpaw hpe litla ya na  ga sadi jaw da ai.( Kaji 35).

 

Ndai mau mwi hta, garum la ai wa  gaw , yu rak hkrum ai wa a matu htingbu kaja rai sai. Shi hpe koi kau ai shawng na masha nig aw, kade hpa ji chye ai, Lu su ai, arawng aya lu ai, tara shadik ai rai tim ruyak hkrum ai wa a matu akyu nnga ai hpe mu lu ai. shadik ai ni , rai tim ruyak hkrum ai wa a matu, htingbu kaja nre.Yoba a manang ni gaw,

 

 

Myit yu na lam;          Hkriatan ni htingbu kaja re hpe nchye ai mungkan masha

                                    Law law naw nga nga ai.

 

Kyu hpyi ga;              Madu a sakse kaja tai, htingbu wa a jinghku kaja mung tai

                                   Lu na atsam jaw rit.

Sunset Over Water
church1.gif
 

Nov 12, 2003

sdrdfhdf fsjdfh df asdf f ksdfjf f  ksdfjsd fi asdu09qe odsfh pw oer fos dfdnf df isdksd sdf fi dhepo9 2jpfp            92r knd klfa ;osfu lkas cm  asl,k

 

Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfa sdf sd  hsdfjs d asd ifb fsg9iq 3094t bgb   sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfasdf sd  hsdfjs dasd ifb fsg9iq 3094t bgb sd9s dnd sdfoi asdf hasdf lk sdblk sdf fs df sdfk a sdfas dfasd Thsd  sdsdsdasdfa sdfsdfa sdf sd  hsdfjs d asd ifb fsg9iq 3094t bgb   sdfoi asdf hasdf lk sdblk sdf fs df sdfk a sdfas dfasd.