Make your own free website on Tripod.com
MUNGGA SHANAN
HKRISTMA LAKSAN
KANU NHTOI LAKSAN
KAWA NHTOI LAKSAN
WENYI N SHAT
MATSING HPA
MUNG CHYING SHA KAJA
CHYUM HTAI
NING MU
KARAI HPAJI
MAGUP SUMHPA

image002.jpg
Sara Kaba Dr. Ola Hanson

KABU GARA HKAP TAU LA GA AI

MAHPAW

Tsaw ra hkungga ai nu wa hpu nau ni hku nna ndai hkri ginra de du shang wa ai majaw, nachying wa kabu, sindai masin su, arawng mung la, hpan Karai Wa a chyeju mung shakawn ga ai. Ndai 'Mungga Shanan' hkri ginra gaw ji nban tung nba, sin dun Wunpawng sha ni yawng a matu, Wenyi shanan tai, asak mahkrai hkrai nna Karai Wa hpe mu chye, hkye Madu hta asak ning hpang de lu na lam hta e, daw sha langai mi sha pyi tai u ga ngu yaw shada ga ai. Lahta na yaw shada ai lam byin tai u ga, shakut shaja na ga ai ngu ga sadi jaw ai hta n ga, tsaw ra ai nu wa ni mung akyu hpyi garum matum, ra ai lam hta shadum n gun jaw na hpe mung akroi anoi hpyi lajin ga ai law.

 MALAWM

GAWK          ...  I
GAWK          ... II
GAWK          ...III
GAWK          ... IV
GAWK           ... V
GAWK          ....VI
GAWK        ....VII

'Mungga Shanan' hte seng nna matut mahkai ra ai lam ni hpe lawu de na hkringdat hte maren matut mahkai na hpe lajin dat ga ai.

KARAI HPAJI GINDAI PRU SAI
Growing
LAHTA NA KUMLA HPE KAHTEK NNA KARAI HPAJI GINDAI GAWK DE SHANG U

SIMSA  AI MYIT MASIN KATA HTA SHA…,

 

HTI NA MUNGGA:       MHT 17; 1-2, LK 9:10 ; MHT 26: 41

 

 

            Hpaga la langai a nta hta kyu hpyi shaga ai majaw anhte sa  du  let kyu hpyi ya ga ai. Karai a mungga htawn ngut ai the  nta madu ni a kyu hpyi ga  baw hpe kyu hpyi ya nga ai ten hta, Telephone a kajawng sha ngoi wa ai. Kadai mung myi nphaw ai sha matut nna kyu hpyi nga ai Raitim, marai langai ngai Telephone hta lang nna ga shaga ai nsen hpe na lu ga ai.Kyu hpyi ngut ai hpang nta madu wa kyu hpyi hpawng hta nlawm nga ai hpe mu lu  ga ai. Kyu hpyi ngut ai hpang  nta masha ni   hkalum  ai  lu  sha hpe sha nga ai ten hta nta madu wa bai pru wa ai. Shi tsun ai gaw” Hpaga manang wa shaga ai majaw shi hpe sa jahkrum ra ai majaw, kyu hpyi nga ai ten tim pru mat wa  ra ai. Sara  ni hpe grai tawngban sai law” nga ai.

            Ndai mungkan ga  gaw , shani shagu grai bungli law nna masha ni mung nhkring nsa aten  gashun nna hkawm sa ai  aprat ten rai nga ai. Dai zawn re aten hta hkristan ni Madu Karai hpe kam sham naw ku ai aten. Chyum lai ka hti ai aten, Kyu hpyi ai aten , kam sham ai ni the ganawm mazum na matu aten jaw na grai yak wa nga ai aten re.Madu Yesu gaw sape ni hpe bum ntsa simsa ai shara hta simsa ai aten la nna kyu hpyi ai aten la chye na hpe sharin ya ai. ( Mht 17:1-2). Shi nan Simsa ai shara hta Kawa Karai Kasang the aten la kyu hpyi ai (  Luk  :   6:12  ). Karai Kasang gaw, anhte hpe shi a kashu Kasan ni shatai la sai majaw , kasha ni kanu kawa ni the aten law law la na hpe ra  sharawng ai zawn Karai Kasang mung kamsham ai ni the, aten law law la mayu ai . Anhte shi kaw sit shang ai aten shagu hta, anhte a matu aten galoi mung aten jaw mayu ai karai, aten jaw lu ai Karai re. Kam sham ai ni mahtang Karai hpe  aten Nari hkum mi jaw na  yak tim , kaga mungkan aten( sumla yu ai aten, nta shingga de hkawm chyai na aten, ginsup ai aten, manang ni the shaga chyai ai ten) a matu Nari hkum 3 jaw na nlahpawt ga ai.

            Kamsham ai ni kyu hpyi ai aten, chyum lai ka hti ai ten the , shi hpe naw ku dawjau ai aten ni gaw, Karai kasang the anhte a wenyi matut mahkai nna, myit masin hpe Karai a mungga shat jaw sha nga ai aten re. Dai majaw anhte kyu hpyi ai aten hpe grai manu shadan chye ga. Kyu hpyi ai aten hpe dinghku shagu hta aten masat da ga, Kyuhpyi , chyuim laika thi ai aten hta, mungkan kaw na nsim nsa ,gadau gadap nga ai mungkan nsen ni hpe nna hkra , chyinghka hkuwawt ni hpe la da ga. Anhte a cell phone, nta telephone ni , T.V, Video nsen ni hpe pat da ga. Karai the htinglu htinglai ai aten ni simsa ai the ngut lu na matu, the Karai kasang kaw anhte a myit masin wenyi , simsa ai the sitshang let, Karai Kasang kaw na n-gun ningnan the shaman chyeju ningnan ni hpyi la ai aten la ga;

 

Myit yu na lam:    Karai Kasang  the simsa ai aten la na ngai hta yak ai lam hpa nga a ta?

Kyu hpyi ga:         Madu hta sitshang shagu ngai hpe hkapla ai majaw chyeju kaba ai

                              Madu e.