CHYINGHKAI NU
Chyinghkai Nu a ma tsawm ngai, Mungkan ntsa
sa pra sai;
Chyinghkai Nu a Hkritung, Shata jahku sumbrung;
Shi ngu shata gu, Chyinghkai ladaw du;
Chyinghkai Nu Shinggyim machyi gadau, Chyinghkai
Wa Makam Gumggun Jahtau.
Hkalung Ngai bawng shangai, Shinggyim masha
langai jat sai;
Ngai tsawra dik ai Nu........
Jingai ten kaw nna, Dai ni na aten du hkra,
Nu ngai hpe kade daram tsawra, Shinglet, shingni
hte shagawp n ma;
Ngai sha kawsi na hpe tsang, Hkrap na hpe
mung Nu nang tsang;
Nye a makau e galoi mung tut sin nga, Nu a
si mani kya ai nsen wa...
Dai ni du nye a kraw kata, Nshung jan zawn
lum nga;
Nu a tsawm la ai Myiman, Htoi Numri pan gasan.
Tsawra ai Nu...nang...
Bum yi hkan Kawa Wahpang, Pungkaw garet, Htingga
Nbat Jinghpa du she kyet,
Bumlang, Htingpa Nu a lagaw hkang hkrai, Salum
kata galoi n prai,
Hkriba lit li yawng nang gun nit dai.
Gahtan salat lagaw du, Ngai sha ngwi pyaw
lu na matu;
Hpaji hparat hte jasu;
Nu a matsun maroi, Ngai sha a hpaji sumdoi,
Manap Jan zawn htoi;
Machyi makaw hkrum jang, Nu nang grai myit
tsang;
Madu Karai kaw kyu hpyi ya, Dai ni du ngai
nga pra.....
Oh...shadawn n dang ai Nu a chyeju, Kadai
kaw na mung ngai n mai lu.
Tsawra Nu ngwi pyaw sak galu u ga... ngu...
Nu a laksan nhtoi hta ngai,
Myit dum kyu hpyi dat n ngai...Nu e
Marit Seng Ja Pan
http://www.geocities.com/gindaipan/nu.html